बंगलादेशकी प्रधानमन्त्री शेख हसिनाले सोमबार राजीनामा दिएकी छिन् । सरकार विरोधी प्रदर्शनकारीहरूले एक हप्ताको अन्त्यमा भएको हिंसामा दर्जनौं व्यक्तिको मृत्यु भएपछि उनको राजीनामाको माग गर्न राजधानीमा जुलुस प्रदर्शन गरेका थिए ।

बंगलादेशी सेनाले हसिनालाई देश बाहिर “सुरक्षित मार्ग” को सुविधा दिएको छ र सेना प्रमुखले सोमबार भाषण दिने अपेक्षा गरिएको छ। एबिसीन्यूजका अनुसार ब्रोडब्यान्ड इन्टरनेट र मोबाइल डाटा (अन्तर्जाल सेवा र संचार उपकरणका तथ्यांक)सेवाहरू बन्द गरिएका थिए र त्यसपछि सोमबार बंगलादेश भरमा पुनर्स्थापित गरिएको छ ।

सरकारी जागिरका लागि कोटा(अंश) प्रणाली अन्त्य गर्न खोज्ने विद्यार्थीहरूका साथ प्रदर्शन सुरु भएको थियो। तर प्रहरी र सरकार समर्थक कार्यकर्ताहरूसँगको झडप हिंसामा परिणत भयो जसमा गत महिना २०० भन्दा बढीको मृत्यु भएको छ ।

घातक प्रदर्शनहरूले आफ्नो सरकारबाट जवाफदेहीताको माग गर्दै नागरिकहरूबाट थप विरोधहरू उत्प्रेरित गरे र हसिनालाई पद त्याग गर्न आह्वान गरेका थिए ।

आइतबार राजधानीमा भएको झडपमा कम्तीमा १४ प्रहरी अधिकारीसहित कम्तीमा ९५ जनाको मृत्यु भएको देशको प्रमुख बंगाली भाषाको दैनिक पत्रिका प्रोथोम आलो(बंगाली भाषा)ले जनाएको छ।