यमनको तटमा आप्रवासी डुङ्गा डुब्दा कम्तीमा ३९ जनाको मृत्यु भएको संयुक्त राष्ट्रसंघीय अध्यागमन सँस्था(एजेन्सी)ले जनाएको छ ।

२६० आप्रवासी बोकेको एउटा डुङ्गा सोमबार यमनको तटमा डुब्दा कम्तीमा ३९ जनाको मृत्यु हुनुका साथै अन्य १५० जना बेपत्ता भएको संयुक्त राष्ट्रसंघको अन्तर्राष्ट्रिय आप्रवासन सँस्था (एजेन्सी)ले मंगलबार जनाएको छ ।

इन्टरनेशनल अर्गनाइजेसन फर माइग्रेसनले सामाजिक सञ्जालमा प्रकाशन गरेको सन्देशमा ७१ जना डुबेर बाँच्न सफल भएको बताएको छ ।

डुङ्गामा सवार आप्रवासीहरुको राष्ट्रियता प्रष्ट नभएको सिबीएसन्यूजले जनाएको छ । हरेक वर्ष अफ्रिकाबाट हजारौं आप्रवासीहरू द्वन्द्व, प्राकृतिक प्रकोप वा कमजोर आर्थिक सम्भावनाहरूबाट बच्न तेलको धनी खाडीमा पुग्ने प्रयासमा लाल सागर पार गर्दै जान्छन्।

अप्रिलमा, दुईवटा डुङ्गाहरू जिबूतीको तटमा दुई हप्ताको अन्तरालमा डुब्दा दर्जनौंको मृत्यु भएको थियो।

आइओएमले सन् २०१४ यता आप्रवासन मार्गमा यो वर्ष समेत समावेश गरी कुल १ हजार ३५० जनाको मृत्यु भएको उल्लेख गरेको छ । २०२३ मा मात्र कम्तिमा ६९८ वटा मार्गमा मृत्युको अभिलेख गरेको बताएको छ, जसमा १०५ समुद्रमा हराएका छन् ।

आईओएमले बाँचेकाहरूलाई तत्काल सहायता प्रदान गर्ने मंगलबार जनाएको छ ।