युक्रेनद्वारा पश्चिमी हतियार प्रयोग गरेर रुसी क्षेत्रभित्र क्षेप्यास्त्र प्रणाली प्रहार गरेको दाबी गरेको छ । 

युक्रेनी सेनाले सोमबार रूसी क्षेत्र भित्र पश्चिमी-आपूर्ति गरिएको हतियार प्रयोग गरेर रूसी एस-३०० क्षेप्यास्त्र  प्रणाली सफलतापूर्वक प्रहार गरेको छ।

शत्रु क्षेत्रमा पश्चिमी हतियारहरू प्रयोग गर्ने अनुमति पाएको पहिलो दिन यो सुन्दर रूपमा जलेको छ । यो रुसी एस-३००० हो भन्दै युक्रेनीमन्त्री इरिना भेरेशचुकले आक्रमण देखाउने तस्विरको साथ सामाजिक संजालमा प्रकाशन गरेकी छिन । 

धेरै युरोपेली राष्ट्रहरूले हतियार प्रतिबन्धहरू हटाएपछि अमेरिकी राष्ट्रपति जो बाइडेनले खार्किभ वरपरको रूसी क्षेत्रमा अमेरिकी हतियारहरू प्रयोग गरेर सीमित आक्रमणहरू गर्न युक्रेनलाई अनुमति दिएपछि यो आक्रमण प्रारम्भ भएको हो । 

भेरेशचुकले वर्णन गरेको आक्रमणमा प्रयोग गरिएका हतियारहरू अमेरिकाले आपूर्ति गरेको हो वा होइन भन्ने स्पष्ट नभएको सिएनएनले जनाएको छ । 

सिएनएनका अनुसार युक्रेनले महिनौंदेखि वाशिंगटनसँग अमेरिकी हतियारहरूका साथ रूसी माटोमा लक्ष्यहरू प्रहार गर्न अनुमति दिन बिन्ती गरेको थियो । किनकि मस्कोले खार्किभमा क्रूर हवाई र भूमि हमला शुरू गरेको थियो । 

युक्रेनलाई बेलायतले दिएको क्षेप्यास्त्र प्रयोग गरेर रूसले २०१४ मा कब्जा गरेको क्राइमियालाई बारम्बार निशाना बनाउँदै आएको छ।

युक्रेनी राष्ट्रपति भोलोदिमिर जेलेन्स्कीले रुसी भूभागमा केही आक्रमणहरूलाई अनुमति दिने बाइडेनको निर्णयलाई प्रशंसा गरेका छन् । आफ्ना सेनाहरूलाई द्वन्द्वग्रस्त खार्किभ क्षेत्रको रक्षा गर्न मद्दत गर्ने उनले बताए ।