यमनका हुथी विद्रोहीहरूद्वारा १०० भन्दा बढी युद्ध बन्दीहरूलाई मुक्त गरेको रेडक्रसले जनाएको छ ।

यमनमा इरान समर्थित हुथी विद्रोहीहरूले आइतबार देशको लामो समयदेखि चलिरहेको द्वन्द्वमा संलग्न १०० भन्दा बढी युद्ध बन्दीहरूलाई रिहा गरेको रेडक्रसको अन्तर्राष्ट्रिय समितिले जनाएको छ।

गत वर्ष अप्रिलमा यमनका युद्धरत पक्षहरूले देशमा ठूलो आदानप्रदानमा ८०० भन्दा बढी कैदीहरूलाई रिहा गरेपछि एकपक्षीय रिहाई भएको हो।

११३ कैदीहरूको रिहाई आइतवार बिहान हुथी-नियन्त्रित राजधानी सानामा भएको रेडक्रसले एक विज्ञप्तिमा जनाएको छ ।

रिहा गरिएका बन्दीहरू रेडक्रसको अन्तर्राष्ट्रिय समितिले यमनको राजधानीमा उनीहरूको हिरासतमा नियमित रूपमा भेट्न र सहयोग गर्नेहरूमध्ये थिए।

स्वास्थ्य समस्याका साथ रिहा गरिएका कैदीहरू मध्ये एकलाई रुग्णवाहिणी(एम्बुलेन्स)मा यमन भित्र उनको गृहनगरमा सारिएको थियो।

बन्दी आदानप्रदानको रिहाई एक दिन ढिलो भएको थियो। एबिसीन्यूजका अनुसार २०१४ मा द्वन्द्व सुरु भएदेखि हजारौं मानिसहरू अझै पनि युद्धबन्दीको रूपमा राखिएको विश्वास गरिन्छ, अरू अझै बेपत्ता छन्।

“हामी थुनुवाको रिहाई, स्थानान्तरण र स्वदेश फिर्ता गर्न सहजीकरण गर्न तटस्थ मध्यस्थको भूमिका खेल्न तयार छौं,” रेडक्रसको विज्ञप्तिमा भनिएको छ।