सिबीएस न्यूजले जनाए अनुसार इजरायल-हमास बन्धक वार्ताका लागि कूटनीतिक प्रयासहरू अर्को हप्ता पुनः सुरु हुने अपेक्षा गरिएको छ ।

इजरायल र हमास बीच गाजा क्षेत्रमा राखिएका इजरायली बन्धकहरूलाई मुक्त गर्न सम्झौतामा पुग्नको लागि वार्ता अर्को हप्ता पुनः सुरु हुने अपेक्षा गरिएको छ, जानकार दुई स्रोतहरूले शनिबार सिबीएस न्यूजलाई बताएको समाचार प्रकाशित गरेको छ । वार्तामा कतार, इजिप्ट र अमेरिकाका वार्ताकारहरू सहभागी हुनेछन्।

बाइडेन प्रशासनका एक वरिष्ठ अधिकारीले सिबीएस न्यूजलाई प्रगति भएको बताए । “सम्पर्कहरू जारी छन् र हामी इजिप्ट र कतारी मध्यस्थकर्ताहरूसँग नजिकबाट काम गरिरहेका छौं। यी सम्पर्कहरू आगामी हप्तासम्म जारी रहनेछन् किनभने हामी वार्ता प्रक्रियालाई अगाडि बढाउन चाहन्छौं।” ,उनले भने ।

सीआईए निर्देशक विलियम बर्न्सले गत हप्ता पेरिसको यात्रा गरेका थिए । इजरायल भित्र बन्धकहरूका परिवारहरूले राजनीतिक रूपमा द्वन्द्वग्रस्त नेतान्याहू सरकारलाई झण्डै ८ महिनाको बन्दी बनाएपछि आफ्ना प्रियजनहरूलाई घर ल्याउन हमाससँग कूटनीतिक सम्झौता गर्न दबाब दिइरहेका छन्। लगभग १२० बन्धकहरू अझै पनी राखिएको विश्वास गरिन्छ, जसमा पाँच अमेरिकी नागरिकहरू छन्।

हमासले इजरायललाई गाजामा दिगो युद्धविरामका लागि दबाब दिएको छ । राष्ट्रपति जो बाइडेनले इजिप्टका राष्ट्रपति अब्देल फताह अल-सिसीसँग गाजामा “तत्काल र दिगो युद्धविराम” सँगै बन्धकहरूको रिहाईलाई सुरक्षित गर्न “नयाँ पहलहरू” सँग छलफल गरेको व्हाइट हाउसले गत शुक्रबार घोषणा गरेको छ ।