इजरायले इरानमा सीमित ३ वटा मात्र क्षेप्यास्त्र आक्रमण गरेको पुष्टि भएको छ । अमेरिकाको कुनै पनि संलग्नता नहुने स्पष्ट बताएको छ ।

एक वरिष्ठ अमेरिकी अधिकारीका अनुसार शुक्रबार बिहान धेरै सीमित आक्रमणलाई पछ्याउदै इरान बाहिर इजरायली लडाकु विमानबाट तीनवटा क्षेप्यास्त्र हरू प्रहार गरिएको थियो।

इजरायलीहरूले नातान्ज आणविक केन्द्रको सुरक्षाको एक हिस्सा इस्फाहान नजिकैको वायु रक्षा रडार स्थललाई लक्षित गरेको अधिकारीले भने। आहिले सम्म मूल्याङ्कन पूरा नभएको अधिकारीले बताए । इजरायल यस्ता क्षमताका उपकरणहरु पनि छन् भनि इरानलाई सङ्केत स्वरुप आक्रमण गरेको हो । अधिकारीका अनुसार स्थितिलाई अझ वृद्धि गर्ने इजरायलको कुनै लक्ष्य हैन ,अधिकारीले सिएनएनलाई बताए ।

संयुक्त राज्य अमेरिकाका विदेश मन्त्री एन्टोनी ब्लिन्केनले इरानमाथि इजरायलको प्रतिशोधात्मक हमलामा अमेरिकाको कुनै पनि संलग्नतालाई अस्वीकार गरेका छन्।

ब्लिन्केनलाई शुक्रबार बिहान एक पत्रकार सम्मेलनमा इजरायलले इरानमा हमला गर्नु अघि संयुक्त राज्य अमेरिकालाई बताएको थियो या थिएन भन्दा उनले कुनै प्रतिक्रिया दिएनन ।

इटालीको क्याप्रीमा भएको जी७ बैठकमा विदेश मन्त्रीहरूले इजरायलमा सप्ताहन्तमा इरानको आक्रमणको निन्दा गर्दै लामो वक्तव्य जारी गरे।

“हामी, क्यानडा, फ्रान्स, जर्मनी, इटाली, जापान, बेलायत र अमेरिकाका जी७ विदेश मन्त्रीहरू र युरोपेली संघका उच्च प्रतिनिधिहरू इजरायल विरुद्ध इरानको प्रत्यक्ष र अभूतपूर्व आक्रमणको कडा शब्दमा निन्दा गर्दछौं भन्दै बिज्ञप्ती जारी गरेका छन् ।

“हामी इरानी सरकारलाई यसको दुर्भावनापूर्ण र अस्थिर कार्यहरूको लागि जवाफदेही बनाउनेछौं र हामी थप प्रतिबन्धहरू अपनाउन वा अन्य उपायहरू लिन तयार छौं, ” नेताहरूले बिज्ञप्तिमा भने। हामी सबै पक्षहरूलाई थप द्वन्द्व रोक्न काम गर्न आग्रह गर्दछौं,बिज्ञप्तिमा भनिएको छ ।

साथी जी७ का नेताहरूले इजरायललाई गाजामा मानवीय सहायतालाई अनुमति दिन थप गर्न आग्रह गरे।