वाशिंगटन, डिसी – नेपाली अमेरिकी तथा अमेरिकी सेनाका अपाङ्ग भूतपूर्व योद्धा एड्रियन पोखरेलले आफ्नो अफगानिस्तान युद्धकालीन टोपी र सानो इवोजिमा स्मारकको मूर्ति नेपाली क्रिकेट टिमका पूर्व-कप्तान पारस खड्कालाई उपहार स्वरूप प्रदान गरेका छन्।
यो मूर्ति अमेरिकी सैनिकहरूले अमेरिकी झण्डा स्थापित गरिरहेको दृश्यलाई दर्शाउँछ जुन साझा विजय प्राप्ति, इतिहास सिर्जना, क्षणलाई सम्झना र जश्न मनाउने महत्वपूर्ण सन्देश दिन्छ। वर्जिनियाको १० औं जिल्लाबाट अमेरिकी कांग्रेसका लागि उम्मेदवारी दिँदै गरेका पोखरेलले यस उपहार मार्फत खड्काको नेतृत्व तथा अनुशासनलाई सम्मान गरेका हुन्।
पोखरेलको यो कदमले नेपाली समुदायमा ठूलो चर्चा एवं सकारात्मक प्रतिक्रिया उत्पन्न गरेको छ। खड्का हाल अमेरिकामा क्रिकेटको विकास तथा सम्बन्धित दानकार्यका लागि आर्थिक संकलन गर्न भ्रमणमा छन्।
पोखरेलले खड्कालाई आफ्नो टोपी प्रदान गर्दा उनले खड्काको क्रिकेट प्रति दिएको योगदानलाई स्वीकार गर्नुका साथै नेपाली र अमेरिकी समुदायहरू बीचको सेतुको रूपमा पनि काम गरेका छन्। यस्तै, इवोजिमा मूर्तिको उपहारले समूहको सहकार्य र संघर्षमा सबैले साझा गर्न सक्ने विजयको महत्वलाई पनि उजागर गरेको छ।
“मेरो टोपी मेरो सेवाको प्रतीक हो, र यो पारसलाई दिँदा मैले उनको नेतृत्वलाई मान्यता दिन चाहेको छु,” पोखरेलले भने। “उनको नेतृत्वमा नेपाली क्रिकेटले जुन उचाइ हासिल गरेको छ, त्यो अतुलनीय छ र उनको सम्मानमा यो टोपी प्रदान गर्नु भएको हो। यस्तै, इवोजिमा मूर्ति मार्फत मैले हामी सबै मिलेर विजय हासिल गर्न सक्छौं भन्ने कुरालाई बलियो पार्न खोजेको छु।”
आउनुहोस्, जुन १८, २०२४ को मतदानमा सहभागी हुनुहोस् र एड्रियन पोखरेलको अभियानलाई समर्थन गर्नुहोस्।
उनको विजयले हाम्रा साझा मूल्यहरूको जीत हो, जसले अमेरिकामा रहेको नेपाली समुदायको मान्यता र सम्मानलाई बढावा दिन्छ। हामी सबै मिलेर एक ऐतिहासिक जितलाई मनाउन सक्छौं र सधैंका लागि सम्झना गर्न सक्छौं।
यो घटना नेपाली र अमेरिकी समुदायहरूका लागि एक ऐतिहासिक क्षणको रूपमा देखिएको छ, जसले सांस्कृतिक तथा व्यक्तिगत सम्बन्धहरूलाई अझ गहिरो बनाउने क्षमता राख्छ।
प्रतिक्रिया