अमेरिकी रक्षा सचिव लोयड अस्टिन “आकस्मिक मूत्राशय समस्या” भए पछि पुन : अस्पतालमा भर्ना भएको पेन्टागनले जनाएको छ ।

रक्षा सचिव लोयड अस्टिनलाई गत आइतवार दिउँसो वाल्टर रीड नेशनल मिलिटरी मेडिकल सेन्टर(राष्ट्रिय सैनिक चिकित्सा केन्द्र)मा भर्ना गरिएको थियो । त्यसपछि उनले आफ्नो कार्यभार आफ्नो कार्यसमितिलाई सरुवा गरेका छन् ।

“आज, लगभग २:२० बजे रक्षा सचिव लोयड जे. अस्टिन तृतीयलाई उनको सुरक्षा विवरण अनुसार आकस्मिक मूत्राशयको समस्या देखाउने लक्षणहरू देखिएकोले अस्पताल भर्ना गर्नु परेको पेन्टागनका प्रेस सचिव प्याट राइडरले आइतबार दिउँसो एक विज्ञप्तिमा उल्लेख गरेका छन् ।

आइतवार राति वाल्टर रीडका अधिकारीहरूले अस्टिनलाई परीक्षण र मूल्याङ्कनहरू गरे पछि अस्पतालको एक महत्वपूर्ण हेरचाह इकाईमा भर्ना गरिएको थियो।

सचिवको अवस्थाको बारेमा यथाशीघ्र अद्यावधिकहरू प्रदान गरिने समेत बिज्ञप्तिमा जनाईएको छ । आइतबार साँझ अस्टिनले रक्षा उपसचिव क्याथलिन हिक्सलाई कार्यालयको कार्य र कर्तव्यहरू हस्तान्तरण गरेका छन् ।

प्रारम्भिक विज्ञप्ति अनुसार उनको स्वास्थ्य अवस्था बारेमा संयुक्त प्रमुख अधिकारी, ह्वाइट हाउस तथा कांग्रेसलाई सूचित गरिएको थियो।

ह्वाइट हाउसका एक अधिकारीले आइतवार साँझ रक्षा सचिवको कार्यालयले अस्टिनको अस्पतालमा भर्ना भएको बारे ह्वाइट हाउस र राष्ट्रिय सुरक्षा परिषदलाई जानकारी दिएको पुष्टि गरे।

यस वर्षको सुरुमा अस्टिनलाई प्रोस्टेट क्यान्सर(पुरस्थ ग्रन्थि-अर्बुद )को उपचारसँग सम्बन्धित जटिलताहरू पछि दुई हप्ताको लागि अस्पतालमा भर्ना गरिएको थियो। उनी जनवरीको अन्त्यमा पेन्टागनमा व्यक्तिगत रूपमा काममा फर्किएका थिए ।

अस्टिन यस हप्ता बेल्जियमको ब्रसेल्समा युक्रेन रक्षा सम्पर्क समूहको बैठकमा जाने कार्यक्रम छ।