प्यालेस्टिनी समाचार निकाय वाफा(डब्लुएएफए) का अनुसार, इजरायली युद्धक विमानहरूले कथित रूपमा प्रहार गर्दा बुधबार गाजा शहरको दक्षिणमा रहेको अल-इस्रा विश्वविद्यालयसँग सम्बन्धित भवनहरू क्षतिग्रस्त भएका छन्।

विश्वविद्यालयले घटनाको निन्दा गर्दै यसलाई “बर्बर आक्रमण” भनेको छ। गाजाका सबै विश्वविद्यालयहरू अब ध्वस्त वा कम्तीमा क्षतिग्रस्त भएका छन् ।

सिएनएनले इजरायल रक्षा बल लाई यी दावीहरूको प्रतिक्रियाको लागि जिज्ञाशा राखेको जनाएकोछ । आइडिएफ ले अझै प्रतिक्रिया दिएको छैन भनि समाचारमा उल्लेख गरेको छ ।

स्नातक र स्नातक अध्ययन गर्ने भवनहरूमा आक्रमण भएको विश्वविद्यालयले दाबी गर्‍यो। यसको साथै राष्ट्रिय संग्रहालय, जसलाई विश्वविद्यालयले ३,००० भन्दा बढी दुर्लभ कलाकृतिहरू भएको पुरातनता मन्त्रालयसँग इजाजतपत्र प्राप्त गरेको बताएको छ।

युनिभर्सिटीले आईडिएफले लुटेका कलाकृतिहरू “आफ्नो अपराधको निशान लुकाउन संग्रहालय भवनलाई विस्फोट गर्नु गराएको सम्म आरोप लगाएको छ ।
सिएनएनले स्वतन्त्र रूपमा विश्वविद्यालयको यो दाबी प्रमाणित गर्न नसक्ने जनाएको छ ।

अमेरिकाले गत बुधबार भएको उक्त कथित घटना प्रमाणित गर्न स्वतन्त्र जानकारी नभएको जनाएको छ । र अमेरिकाले मानवीय र चिकित्सा स्थलहरूको सुरक्षा सुनिश्चित गर्न” आग्रह गरेको विदेशविभागका प्रवक्ता म्याथ्यू मिलरले भने।