अमेरिकाको जर्जिया कारागारमा कैदीले हतियारले आक्रमण गर्दा सुधार अधिकारीको मृत्यु भएको छ । जर्जियाका कारागारमा आइतवार एक कैदीले आक्रमण गर्दा मृत्यु भएको राज्य अधिकारीहरूले बताएका छन्।

४२ बर्षिय सुधार अधिकारी रोबर्ट क्लार्कको ग्रामीण ग्लेनभिलको स्मिथ राज्य कारागारमा एक कैदीले घरेलु हतियारले आक्रमण गरेपछि अस्पतालमा मृत्यु भएको जर्जियाको सुधार विभागले एक समाचार विज्ञप्तिमा उल्लेख गरेको छ ।

“सम्पूर्ण जिडीसी टोली हाम्रो आफ्नै कर्मचारी गुमाउनु परेकोमा शोकमा छ र हामी अधिकारी क्लार्कको परिवार र साथीहरूलाई सामूहिक रूपमा गहिरो संवेदना व्यक्त गर्दछौं,” सुधार आयुक्त टायरोन ओलिभरले एक विज्ञप्तिमा भने।

क्लार्कले छ महिना अघि राज्य सुधार अधिकारीको रूपमा काम गर्न थालेका थिए ।

क्लार्क आइतवार कारागारको खाना खाने कक्षबाट दुई कैदीहरूलाई रक्षा गर्दै थिए जब तिनीहरूमध्ये एकले उनलाई पछाडिबाट आक्रमण गरे, विभागको विज्ञप्तिमा भनिएको छ। दोस्रो कैदीले अधिकारीलाई मद्दत गर्न खोज्यो र उनि पनि घाइते भए । उनीलाई पनि आइतवार अस्पतालमा भर्ना गरिएको छ भने उनि खतरा मुक्त रहेका छन् ।

सुधार विभागले दुई जनालाई आक्रमण गर्ने कैदीलाई लेटन लेस्टर भएको पुष्टि गरेको छ । उनले क्लार्कको मृत्यु र दोस्रो कैदीमाथि आक्रमणको आरोपको सामना गरिरहेको एबिसीन्यूजले समाचारमा उल्लेख गरेको छ ।

लेस्टरले टिफ्ट काउन्टीमा २००७ मा भएको हत्या र सशस्त्र डकैतीबाट उत्पन्न भएको हत्याको अभियोगमा आजीवन कारावासको सजाय भोगिरहेका छन् ।