न्युयोर्कको एक न्यायाधीशले डोनाल्ड ट्रम्प र उनका वयस्क छोराहरूलाई जालसाजीको लागि जिम्मेवार रहेको बताएका छन् । ट्रम्पले झण्डै एक दशकसम्म गलत वित्तीय विवरणहरू उपलब्ध गराएको भन्दै ट्रम्प संगठनको व्यापार प्रमाणीकरण रद्द गरेका छन् ।

न्यायाधीश आर्थर एन्गोरोनको निर्णय न्यूयोर्क महान्यायाधिवक्ताको कार्यालय र पूर्व राष्ट्रपतिलाई मुद्दामा जानको लागि तयार गरिएको नागरिक(सिभिल )मुद्दामा केही दिन अघि आएको थियो।

एन्गोरोनले महान्याधिवक्ता लेटिया जेम्सको प्रस्तावलाई संक्षिप्त निर्णय दिएका छन् । उनले ट्रम्पले ऋणदाता र बीमाकर्ताहरूलाई करिब एक दशकसम्म उपलब्ध गराएको वित्तीय विवरण झूटा भएको र उनीहरू बारम्बार ठगीमा संलग्न भएको बताए।

यो निर्णय ट्रम्पको लागि प्रहार हो भनि सिएनएनले जनाएको छ । ट्रम्पले आफ्नो गल्फ खेल मैदान ,अतिथी गृह (होटेल), मारलागो र घरहरूको वित्तीय विवरणहरूमा मूल्यवृद्धि नगरेको उनको तर्कको पूर्ण अस्वीकार हो जुन व्यापारमा बारम्बार प्रयोग गरिएको थियो।

“आज, एक न्यायाधीशले हाम्रो पक्षमा फैसला गरे र डोनाल्ड ट्रम्प र ट्रम्प संगठन वर्षौंको आर्थिक जालसाजीमा संलग्न भएको पाए,” जेम्सले मंगलबार राति एक विज्ञप्तिमा भने। “हामी हाम्रो बाँकी मुद्दा परीक्षणमा प्रस्तुत गर्न तत्पर छौं।”

महान्यायाधिवक्ताले २५० मिलियन डलर क्षतिपूर्ति, ट्रम्पलाई न्युयोर्कमा एउटा व्यवसायको अधिकारीको रूपमा काम गर्नबाट रोक लगाउन र प्रतिष्ठानलाई पाँच वर्षसम्म व्यापार कारोबारमा संलग्न हुनबाट रोक्न माग गरेका छन्।

न्यायाधीशले ट्रम्प संगठन सहित मुद्दामा प्रतिवादी भएका ट्रम्प संस्थाहरूको व्यापार प्रमाणीकरण रद्द गरे ।