अमेरिकाको मिसिगन राज्यमा आफ्नो परिवारका दुई कुकुरहरूसँग तीन माइलभन्दा बढी खाली खुट्टा हिँडेकी एउटी २ वर्षीया केटी सानो कुकुरलाई तकियाको रूपमा प्रयोग गरेर जंगलको मिशिगन गोरेटोमा सुतिरहेको अवस्थामा फेला पारिएको प्रहरी अधिकारीहरूले बताए ।

मिशिगनको ग्रामीण फेथर्नको एउटा घरमा बेलुका ८ बजेतिर प्रहरीहरुलाई बोलाइयो। मिशिगन राज्यका प्रहरी सहायक मार्क जियानुन्जियोले शुक्रबार सिएनएनलाई जानकारी दिदै थिया चेस नामकी बालिका गत बुधबार घरबाट टाढा गएपछि बोलाईएको बताए ।

फेथर्न उत्तरी मिशिगन राज्यको विस्कन्सिनको सिमानाबाट करिब एक माईल पूर्वमा रहेको एउटा सानो शहर हो। थियाकी आमा ब्रुक चेसले आँगनमा खेलिरहेकी आफ्नी छोरीलाई जाँच्ने गर्दै गरेको बताइन । बालिका काकाले थियालाई उनले जुत्ता नलगाएकोले भित्र जान भनेका थिए ।

जब चेसले थिया घरमा नभएको थाहा पाइन उनि चिच्याउन थालिन्। चेसका श्रीमान् र प्रहरीलाई खबर गर्नु अघि उनीहरूले करिब २० मिनेट खोजी गरे।

मिशिगन राज्य प्रहरीले मानव रहित यानद्वारा खोजी गर्न उद्धार र कुकुर टोलीहरू गएका थिए । व्यापक खोज र अनुसन्धान पछि २ वर्षीया बालिका गोरेटोबाट अलि टाढा फेला परेकी थिइन् ।

उनि परिवारको आफ्नै पालेको कुकुर माथि टाउको राखेर भुइँमा सुति रहकी थिइन् । उनकी आमाले लगभग चार घण्टा पछि फेला पारिएको बताइन । बच्चा फेला पर्दा बाहिरको तापक्रम लगभग ६० डिग्री थियो। चिकित्सकीय मूल्याङ्कनपछि उनको स्वास्थ्य ठिक रहेको सिएनएनले समाचारमा उल्लेख गरेको छ ।