अमेरिकाको राजधानी वाशिंगटन डिसीको उत्तरपश्चिममा दुई महिलाको हत्या र एक किशोरीलाई घाइते बनाउने व्यक्तिहरुको खोजी र अनुसन्धान भै रहेको प्रहरीले जनाएको छ ।
मृत्यु हुनेमा दक्षिणपूर्वकी १९ वर्षीय मिकेया फर्गुसन र उत्तरपश्चिमकी १८ वर्षीय क्लेसाइ पेरी रहेका छन् ।
प्रहरी अधिकारीहरूले मध्यरात अघि उत्तर पश्चिमको सेभेन्थ स्ट्रिट (सातौ मार्ग) को १३०० भवन समूह(ब्लक)मा गोली चले पछि प्रहरीहरु त्यहाँ पुगेका थिए ।
महानगर प्रहरी बिभागका अनुसार उनीहरूले भवनको सवारी साधन अडान क्षेत्र (पार्किङ)मा दुई महिला र किशोरीलाई गोली लागेको अवस्थामा फेला पारे।
उनीहरु सबैलाई अस्पताल लगिएको थियो । महिलाहरूलाई मृत घोषित गरिएको थियो भने किशोरीको अवस्था गम्भीर तर स्थिर रहेको एनबिसीवाशिंगटनले समाचारमा उल्लेख गरेको छ ।
यस क्षेत्रमा बसोबास गर्ने मानिसहरूले गोली चलाउँदा धेरै पटक गोली चलेको आवाज सुनिएको एनबिसीवाशिंगटनलाई बताएका थिए ।
प्रतिक्रिया