मेरिल्याण्डका एक पूर्व शिक्षकलाई यौन शोषणको संघीय अभियोग लगाइएको केही घण्टा पछि एफबीआईले उनको उपनगरीय बाल्टिमोरको घरमा गत शुक्रबार बिहान छापा मारेको छ ।

बाल्टिमोरको अदालत (एडवर्ड ए गार्माट्ज युनाइटेड स्टेट्स डिस्ट्रिक्ट कोर्टहाउस)मा उनको प्रारम्भिक अभियोग सुनुवाइको क्रममा क्रिस्टोफर बेन्डन आफ्नो प्रतिरक्षा वकील कोबी फ्लावर्सको छेउमा ४० मिनेट भन्दा बढी चुपचाप बसे ।

फ्लावर्सले आफ्नो ग्राहकलाई हिरासतमा राख्ने पक्षलाई संघीय सरकारले “शक्तिको दुरुपयोग” भएको दाबी गरे। फ्लावर्सले अदालतलाई एफबीआईको छापाको आलोचना गरे र उनको ग्राहकलाई बिहान ५ बजे पछि गिरफ्तार गरेको बताए ।

सुनुवाईको क्रममा, संघीय अभियोजकहरूले बेन्डनले बच्चाहरूसँग धेरै गैरकानूनी यौन कार्यमा संलग्न भएको र बाल अश्लीलता राखेको आरोप लगाए। संघीय सरकारले १० वटा उपकरणहरू प्राप्त गरे पनि उनीहरूले सामग्रीहरू हेर्नको लागि सोमबार मात्र कानुनी रूपमा पहुँच प्राप्त हुने एबिसी७ ले जनाएको छ ।

अभियोग अनुसार बेन्डनले बालबालिकाको यौन शोषणको जम्मा पाँच संघीय आपराधिक गणनाहरू, बाल अस्लिल तस्बिर (पोर्नोग्राफी)को स्वामित्वको एक गणना र सम्पत्ति जफतको मागको सामना गर्नेछन्।

अभियोगमा बेन्डनका यन्त्रहरूमा एक नाबालिगको धेरै यौन स्पष्ट अङ्कियदृश्य (भिडियो)हरू र तस्बिरहरु फेला पारिएको छ । अन्य अस्लिल गतिविधि समेत रहेको जनाईएको छ ।

इतिहासका शिक्षकले कथित रूपमा २००७ देखि यस वर्षको सुरु सम्म काम गरेका छन् । आरोप लागेका बेला उनी विद्यालयका कर्मचारी थिए । अदालतका कागजातहरूका अनुसार पीडित बेन्डनका विद्यार्थीहरूमध्ये एक थिए। बेन्डनका वकिलले उनी पहिले आत्महत्या हेरचाहमा थिए भनि तर्क गरेका थिए ।

वकिलका अनुसार यस वर्षको सुरुमा पक्राउ परे पछि मानसिक स्वास्थ्य समस्याबाट पीडित थिए ।