रुसले मस्को नजिकै ७ वटा युक्रेनी मानवरहित यान (ड्रोन) खसालेको दाबी गरेको छ । मस्कोको दक्षिणपश्चिममा रहेको कालुगा क्षेत्रमा रातभरि सात युक्रेनी मानवरहित युद्धयान (ड्रोन )खसालेको रुसी अधिकारीहरूले बिहीबार बताएका छन्।

रुसी रक्षा मन्त्रालयले बिहीबार बिहानै राति ६ वटा मानव रहित युद्धयान खसालेको बताएको छ । मस्कोको दक्षिण-पश्चिम कालुगा क्षेत्रका गभर्नर भ्लादिस्लाव शापशाका अनुसार वायु रक्षा प्रणालीले बिहीबार अर्को मानवरहित युद्धयान पत्ता लगाएर खसालेको थियो।

“हिजो राति, मानवरहित युद्धयानहरूद्वारा आतंकवादी हमला गर्ने कीभ शासनको प्रयासलाई कलुगा क्षेत्रको क्षेत्रमा विफल पारिएको थियो,” मन्त्रालयले टेलिग्राममा प्रकाशित एक विज्ञप्तिमा उल्लेख गरेको छ ।

त्यहाँ कुनै हताहत वा क्षतिको कुनै विवरण प्राप्त नभएको शापशाले भने । युक्रेनले कथित आक्रमणको बारेमा अझै कुनै प्रतिक्रिया दिएको छैन।