अमेरिकी पूर्व राष्ट्रपति डोनाल्ड ट्रम्पलाई समर्थन गर्ने राजनीतिक समूहले ट्रम्प तथा अन्यको रक्षा गर्न ४० मिलियन अर्थात् ४ करोड डलर भन्दा ज्यादा खर्च गरेको पुष्टि भएको एबिसीन्यूजले जनाएको छ ।

बर्ष २०२३ को आधा समय सम्म मात्र कानुनी बिजक(बिल)हरुमा भुक्तानी गर्नु परेको समेत समाचारमा उल्लेख छ । समाचारका अनुसार ट्रम्पलाई समर्थन गर्ने राजनीतिक समूहले पूर्व राष्ट्रपति, उनका सल्लाहकारहरू र अन्यको रक्षा गर्न २०२३ को पहिलो आधा (अर्थात् अर्ध बार्षिक )मा मात्र कानुनी लागतमा ४० मिलियन भन्दा बढी खर्च गरेको छ ।

लागत विवरणको विवरण सहित परिचित स्रोतहरूले एबिसी न्यूजलाई पुष्टि गरेको छ। ट्रम्पको मुख्य कोष सङ्कलन शाखा सेभ अमेरिका लिडरशिप प्याक नामक समूहले खर्च गरेको त्यो संख्याको बारेमा वाशिंगटन पोस्टले पहिलो पटक समाचार बाहिर ल्याएको हो ।

आर्थिक दाखिला सोमबार जारी हुने अपेक्षा गरिएको छ।