नेभादाको राष्ट्रिय निकुन्जमा दुई महिला पैदलयात्री मृत अवस्थामा फेला परेका छन् । सिएनएनका अनुसार शनिबार दिउँसो नेभादाको भ्याली अफ फायर स्टेट पार्क ( राष्ट्रिय निकुन्ज)मा दुई महिला पदयात्री मृत फेला परेको राज्य प्रहरीले जनाएको छ।

धेरै पदयात्रीहरूले शनिबार बिहान महिलाहरूलाई उद्यानमा प्रवेश गरेको देखेका थिए र उनीहरूलाई फर्केको नदेखेपछि चिन्तित भएको नेभादा राज्य प्रहरीले आइतवार जारी गरेको विज्ञप्तिमा उल्लेख गरेको छ ।

पदयात्रीहरूले महिलाहरूको कल्याण जाँचको लागि नेभादा राज्यका प्रहरी अधिकारीहरूलाई आग्रह गरे पछि लगभग २:४८ बजे उनीहरु त्यहाँ पुगेका थिए । अधिकारीहरूले निकुञ्ज भित्रको एक गोरेटोमा एक महिलाको शव फेला परेका थिए ।

अधिकारीहरूले लस भेगास महानगर विभागको खोज र उद्धार टोलीसँग सहयोग अनुरोध गरे पछि उनीहरूले अर्को पदयात्रीको शव घाटीमा फेला पारेका थिए ।

नेभादा राज्य प्रहरीले महिलाको मृत्युको कारण बताएन। प्रहरीले मृत्युबारे अनुसन्धान सुरु गरेको छ ।