युक्रेनी राष्ट्रपति भोलोदिमिर जेलेन्स्की लिथुएनियाको भिल्नियसमा नेटो शिखर सम्मेलनको दोस्रो दिन आइपुगेका छन्। पत्रकारहरूसँग कुरा गर्दै, जेलेन्स्कीले बुधबार कार्यसूचीमा “तीन प्राथमिकता प्रश्नहरू” रहेको बताए।

पहिलो नयाँ हतियार सम्पुष्टि (प्याकेज)हरू, नेटो सदस्यताको निमन्त्रणा र “नेटोमा जाने बाटोमा युक्रेनको सुरक्षा प्रत्याभूति ” को रूपमा रूपरेखा दिए।

युक्रेनी राष्ट्रपतिको कार्यालयका प्रमुख एन्ड्री येर्माकले टेलिग्राममा कीभले शिखर सम्मेलनको दोस्रो दिन “रक्षा, सुरक्षा, हतियार र राष्ट्रपति जेलेन्स्कीको शान्ति सूत्रको बारेमा कुरा गर्नेछ” बताए ।

बुधवार, युक्रेनले नेटो-युक्रेन परिषदको पहिलो उद्घाटन बैठकमा भाग लिनेछ र द्विपक्षीय बैठकहरू आयोजना गर्नेछ, येर्माकले भने।

नेटोका महासचिव जेन्स स्टोल्टनबर्गले बुधबार युक्रेनका राष्ट्रपति भोलोदिमिर जेलेन्स्कीसँगको संयुक्त पत्रकार सम्मेलनमा युक्रेन “पहिलेभन्दा पहिलेभन्दा नाटोसँग नजिक” रहेको बताएका छन्।

“सहयोगीहरूले वास्तवमै युक्रेन गठबन्धनको सदस्य बन्नेछ र सदस्यता कार्य योजनाको आवश्यकता हटाउन सहमत भएका छन्” भनी लिथएनियाको भिल्नियसमा नेटो शिखर सम्मेलनको दोस्रो दिनमा उनले भने ।

अमेरिकी राष्ट्रपति जो बाइडेन र जी७ नेताहरूले युक्रेनका राष्ट्रपति भोलोदिमिर जेलेन्स्कीसँग बुधवार लिथुएनियाको भिल्नियसमा युक्रेनको सैन्य क्षमता बढाउने, युद्धग्रस्त देशलाई थप सहायता प्रदान गर्ने बारे “प्रमुख घोषणा” गर्ने तयारी गरेका छन भनि सिएनएनले जनाएको छ ।

युरोपका लागि राष्ट्रिय सुरक्षा परिषद्का वरिष्ठ निर्देशक अमान्डा स्लोटले बुधबार एक पत्रकार सम्मेलनमा अमेरिका र जी७ नेताहरूले युक्रेनलाई आफ्नो रक्षा गर्न र भविष्यमा हुने आक्रमणलाई रोक्न सक्ने सेना निर्माण गर्न मद्दत गर्ने हाम्रो उद्देश्यको घोषणा गर्ने बताए ।