टेक्सस हुँदै अमेरिका प्रवेश गरेका १६ भेनेजुएला र कोलम्बियाका आप्रवासीहरूलाई भाडामा लिइएको (चार्टर्ड) विमानबाट क्यालिफोर्निया लगिएको र क्यालिफोर्नियाको साक्रामेन्टोमा रहेको एउटा गिर्जाघर (चर्च) बाहिर छोडिएको समाचार सिबिएसले लेखेको छ ।

ती युवा पुरुष र युवतीहरूलाई शुक्रबार साक्रामेन्टोको रोमन क्याथोलिक डायोसेज बाहिर एक-एक झोलाको मूल्यका सामानहरूसहित छोडिएको आप्रवासीहरूलाई सहयोग गर्ने सामुदायिक संगठन समूह पिको क्यालिफोर्नियाका अभियान निर्देशक एडी कार्मोनाले बताए ।

उनीहरूले आप्रवासीहरूलाई काम पाउन र उनीहरूको अन्तिम गन्तव्यमा पुर्‍याउन मद्दत गर्ने प्रस्ताव राखेका थिए, उनले भने।

“उनीहरूलाई झूट बोलाइएको थियो र जानाजानी धोका दिइयो,” कार्मोनाले भने । आप्रवासीहरूलाई साक्रामेन्टोमा छोडिएपछि उनीहरू कहाँ थिए भन्ने थाहा उनीहरुलाई थाहा थिएन।

क्यालिफोर्नियाका गभर्नर ग्याभिन न्युजमक अनुसार उनी र राज्यका महान्यायाधिवक्ता रोब बोन्टाले शनिबार आप्रवासीहरूको समूहसँग भेटेको बताए । उनीहरूलाई टेक्ससबाट न्यू मेक्सिको लगिएको र त्यसपछि निजी भाडामा लिइएको बिमानद्वारा साक्रामेन्टोमा लगिएको थाहा पाएको उनले भने ।

शनिबार राति एक विज्ञप्तिमा महान्यायाधिवक्ता बोन्टाले आप्रवासीहरूसँग “फ्लोरिडा राज्यको सरकारबाट आएको कागजातहरू” रहेको बताए।