मेक्सिकोका अभियोजकहरूले बलात्कारीलाई मार्ने महिला विरुद्धको आरोप खारेज गरेका छन् ।

मेक्सिकोका अभियोजकहरूले एक महिला विरुद्धको आरोप खारेज गरेका छन् जसले एक पुरुषलाई २०२१ मा बलात्कार गरेको कारण हत्या गरेको आरोपमा दोषी ठहर गरिएको थियो।

२३ वर्षीया रोक्साना रुइज स्यान्टियागोलाई नेजाहुआलकोयोटल न्यायिक जिल्लाको अभियोजन अदालतले मे १५ मा आफ्नो आक्रमणकारीको हत्या गरेपछि हत्याको अपराधमा ६ वर्षको कारागार सजाय सुनाएको अभियोजकहरूले शनिबार एक विज्ञप्तिमा भनेका थिए। उनलाई बलात्कारीको परिवारलाई १६,००० डलर तिर्न पनि आदेश दिइएको थियो।

उनको सजायले मेक्सिकोमा व्यापक प्रतिक्रिया र विरोध प्रदर्शन भएको र महिलावादी समूहहरूले सरकारलाई यौन हिंसाबाट बचेकाहरूलाई अपराधीकरण गरेको आरोप लगाएका थिए । व्यापक बिरोध भए पछि अभियोजकहरूले मुद्दाको समीक्षा गर्न बाध्य भए ।

अन्ततगत्वा अभियोजकहरूले एक विज्ञप्ति मार्फत र रुइजले आत्म-रक्षाको लागि गरेको बताउदै पीडित महिला रुइजलाई आपराधिक जिम्मेवारीबाट मुक्त गरिन्छ भनि जनाईएको छ ।

“मेक्सिको राज्यका महान्यायाधिवक्ताले प्रभावकारी, इमान्दार, निष्पक्ष, वस्तुनिष्ठता, व्यावसायिकता, लैङ्गिक परिप्रेक्ष्यका साथ र सबै अनुसन्धानमा मानव अधिकारको पूर्ण सम्मानका साथ अनुसन्धान गर्ने आफ्नो प्रतिबद्धतालाई समर्थन गर्दछ,” विज्ञप्तिमा भनिएको छ।

मेक्सिकोका स्थानीय संचार माध्यमहरुका अनुसार राष्ट्रपति एन्ड्रेस म्यानुएल लोपेज ओब्राडोरले रुइजलाई माफी दिने संकेत दिएका थिए भनि युपिआईले समाचार लेखेको छ ।