डिज्नीका प्रमुख कार्यकारी अधिकारी (सीईओ )बब इगरले सोमबार उनको सँस्थाले यस हप्ताबाट कर्मचारीहरू हटाउन थाल्ने घोषणा गरेका छन् । गत फेब्रुअरीमा सँस्था (कम्पनी)ले ७,००० कर्मचारीहरू हटाउने घोषणा गरेपछि अपेक्षित कटौतीको तीन चरणहरूमध्ये यो पहिलो हो।

डिज्नीको विश्वव्यापी कार्यबलमा कटौती संचार उद्योगको उथलपुथलको अवधिमा संस्थाको सञ्चालनलाई सुव्यवस्थित बनाउने उद्देश्यले बहु-बिलियन(अरब) डलरको लागत कटौती पहलको यो हिस्सा हो।

छनौट तीन लहरहरूमा गरिने बताईएकोच हह भने पहिलो चरण यस हप्ता सुरु हुनेछ। सिएनएनका अनुसार प्रबन्धकहरूले चाँडै प्रभावित कर्मचारीहरूलाई सूचित गर्न सुरु गर्नेछन भनि समाचार लेखेको छ । दोस्रो ठूलो चरणको कटौती अप्रिल महिनामा हुने इगरले बताए ।

७,००० कर्मचारीहरू हटाउने सँस्थाको योजनाबद्ध लक्ष्यमा पुग्नको लागि “गर्मी सुरु हुनु अघि” तेस्रो चरण हुने उनले जनाएका छन् ।

“डिज्नी छोड्ने धेरै सहकर्मी र साथीहरूको कठिन वास्तविकतालाई हामीले हल्का रूपमा लिने कुरा होइन,” इगरले ज्ञापन (मेमो)मा भने। “कठिन क्षणहरूमा, हामीले सधैं डिज्नीले विश्वभरका दर्शकहरू र पाहुनाहरूलाई असाधारण मनोरञ्जन प्रदान गर्न जारी राख्न सक्छ भन्ने कुरा सुनिश्चित गर्न आवश्यक छ – अहिले र भविष्यमा पनि।”

अक्टोबर १ सम्म डिज्नीका लगभग २,२०,००० कामदारहरू थिए, जसमध्ये लगभग १,६६,००० संयुक्त राज्यमा मात्र कार्यरत थिए। ७,००० जागिरहरूको कटौतीले यसको विश्वव्यापी कार्यबलको लगभग ३ % प्रतिनिधित्व गर्दछ।