पूर्व अमेरिकी राष्ट्रपति डोनाल्ड ट्रम्पले म तपाईहरुको योद्धा हुँ, म तपाईहरुको न्याय हुँ भन्दै सिप्याकको सम्मेलन सम्पन्न गरेका छन् ।

पूर्व राष्ट्रपति डोनाल्ड ट्रम्पले चार दिने वार्षिक कन्जरभेटिभ पोलिटिकल एक्सन कन्फरेन्स (सिप्याक -सिपिएसी )) मा भाग लिँदै रिपब्लिकन दलको कन्जरभेटिभ विंग(रुढीवादी पक्ष )माथि सर्वोच्च शासन जारी राखेका छन्।

सम्मेलनको अन्त्य गर्दै ट्रम्पले आफूलाई डेमोक्र्याट र संस्थापन रिपब्लिकनहरू विरुद्ध लड्ने अन्तिम नेताको रूपमा प्रस्तुत गरे । आगामी २०२४ मा राष्ट्रपति चुनावलाई “अन्तिम युद्ध” भने।

उनले भाषणकै क्रममा अगाडी भने “२०१६ मा मैले म तपाईहरुको आवाज हुँ भनि घोषणा गरे । आज म थप्छु: म तपाईहरुको योद्धा हुँ। म तपाईहरुको न्याय हुँ, र जसलाई अन्याय र धोका दिइयो, म तपाईहरुको प्रतिफल हुँ,” ।

“यो अन्तिम लडाई हो, उनीहरूलाई थाहा छ। मलाई यो थाहा छ, तपाईहरुलाई थाहा छ, र सबैलाई थाहा छ, कि उनीहरूले जित्छन या हामीले जित्छौ । र यदि उनीहरूले जिते भने हामीसँग अब देश रहँदैन।”

आफ्नो सम्बोधनमा ट्रम्पले आफू र संस्थापन रिपब्लिकन बीचको भिन्नता स्थापित गर्न काम गर्दा अमेरिकालाई “बाच्ने” नेताको रूपमा घोषणा गरे।

ट्रम्पले सामाजिक सुरक्षा सेवानिवृत्ति उमेर बढाउन चाहने रिपब्लिकनहरूलाई आक्रमण गरे। “हामी हाम्रो महान सामाजिक सुरक्षा प्रणालीलाई ध्वस्त पार्न चाहने मानिसहरूमा फर्कने छैनौं ,उनले थपे ।

उनले नयाँ “स्वतन्त्रता शहरहरू” निर्माण गर्न आफ्नो भर्खरै घोषणा गरिएको प्रतिस्पर्धाको बारेमा पनि चर्चा गरे भनि एबिसी समाचारले उल्लेख गरेको छ ।

“म सबै ५० राज्यका गभर्नरहरूलाई, सबै ५० राज्यका गभर्नरहरूलाई एउटा ठूलो सौन्दर्यीकरण अभियानमा सामेल हुन चुनौती दिनेछु। हामी हाम्रा विद्यालय र मुख्य मार्गको नाम बामपन्थी (कम्युनिष्ट )होइन, महान अमेरिकी देशभक्तहरूको नाममा राख्नेछौं। हामी खराब र कुरूप भवनहरू हटाउनेछौं र पश्चिमी सभ्यताको भव्य शास्त्रीय शैलीमा फर्कने छौ ,”

“रिपब्लिकनहरूले जित्नका लागि हरेक कानुनी माध्यम प्रयोग गरेर प्रतिस्पर्धा गर्नुपर्छ। हामीले हाम्रो सोच परिवर्तन गर्नुपर्छ किनभने केही नराम्रो घटनाहरू भएका छन्।” उनले भने।