मेरिल्याण्ड ,फेब्रुअरी १९ । मेरिल्याण्ड राज्यको विधायकमा दोश्रो कार्यकालको लागि विजय हासिल गर्नु भएका डेलिगेट डा. हयारी भण्डारीले संसदमा नेपाली समुदायको समन्वय गर्नका लागि स्टेट लियाजन अफिसरको रुपमा मेरिल्याण्ड निवासी तीर्थराज पाण्डेयलाई नियुक्त गर्नु भएको छ ।

नेपाली समुदायको सहभागिता अभिवृद्धिको लागि र संसद वैठकको वेला पेश हुने विधयेकमा समेत प्रत्यक्षदर्शी भएर अनुभव लिन चाहनेका लागि समन्वय गर्न पाण्डेयलाई नियुक्त गरिएको हो ।

साथै पाण्डेयले नेपाली संघसंस्थाहरुको समन्वय र सहकार्य गर्दे भण्डारीको कार्यालयसँग सहकार्य गर्ने भूमिका निर्वाह गर्नु हुनेछ ।
भण्डारीले जारी गर्नु भएको सूचनामा जनाइए अनुसार पाण्डेयले नेपाली अमेरिकन तथा एशियन अमेरिकनसँग सरोकार राख्ने पक्ष र संस्थासँग समेत समन्वय गर्नु हुनेछ ।

भण्डारीले यस अगाडि नै सामाजिक अभियन्ता अर्जुन हमाललाई मेरिल्याण्ड राज्यमा सञ्चालित विभिन्न योजनाहरुको वारेमा आवश्यक छलफल, अनुसन्धान तथा वजेट कार्यान्वयनको अवस्थाको वारेमा समन्वय गर्न प्रोजेक्ट कोअर्डिनेटरको रुपमा नियुक्त गरिसक्नु भएको छ ।