सिरियाको एलेप्पोमा गत सोमबार आएको विनाशकारी भूकम्पपछि भत्किएको भवनमुनि फसेकी एक गर्भवती आमाले भग्नावशेषमुनि आफ्नो बच्चालाई जन्म दिइन् तर उद्धारकर्मीहरूले उनीसम्म पुग्न अघि नै उनको मृत्यु भएको स्थानीय कार्यकर्ताहरूले बताए ।

उनको नवजात शिशुलाई उद्धारकर्मीहरूले बचाएका थिए भनि सिबिएसन्युजले समाचार लेखेको छ ।

एक सिरियाली स्वयंसेवी संगठनले कत्मा गाउँमा भूकम्पको भग्नावशेषबाट एक बालकलाई जिउँदै निकालिएको अङ्कियदृश्य (भिडियो) साझा गरेको थियो ।

सिरिया र टर्कीमा सोमबारको ७.८ परिमाणको भूकम्प र धेरै परकम्पबाट मृत्यु हुनेको संख्या मंगलबार ५,००० नाघेको छ ।

१२ वर्षको क्रूर गृहयुद्धपछि पहिले नै शरणार्थी संकटमा परेको सिरियाले विशेष कठिनाइको सामना गरिरहेको छ। भूकम्पबाट सबैभन्दा बढी प्रभावित क्षेत्र सिरियाली राष्ट्रपति बसर अल-असदद्वारा नियन्त्रित सरकारी नियन्त्रित क्षेत्र र टर्कीको सिमानामा रहेको र सरकारी सेनाले घेरिएको विपक्षी नियन्त्रित क्षेत्रबीच विभाजित भएको छ।

तस्बिर कृतज्ञता ग्रिक सिटी टाइम्स