किचिएका छन् छोरी जातका कोपिलाहरु
निर्मम चुँडिन्छन् दिनहुँ नारी जातका फूलहरु
आतंकित छन् अहिले घरमा बस्ने भवानीहरु
बस्तीबस्ती डुलेका छन् बासनाका ब्वाँसाहरू

छोरीको इज़्ज़त आफ्नै घरमा लुटिएको बेला
हर्ष, उल्लास र विजयको उत्सव मनाउने दशैँ
‘जयन्तिमंगलाकाली’ भनि जिस्क्याउँछ मलाइ
रोइरहेको मनले भन कसरि दिउँ म ‘बधाइ’

साँच्चै नै रातो टिका निधारमा थाप्ने हो भने
पहेंलो जमराले सुश्वास्थ्यको कामना गर्ने हो भने
आशिष दिनु यो दशैँमा छोरा, भाइ अनि भतिजलाई
बलात्कार कदापी नगर्नु कुनै नारी जातीलाई ।