रुसले मेरिउपोलको एजोभस्टाल कारखानामा करिब १,००० युक्रेनीहरूले आत्मसमर्पण गरेको दाबि गरेको छ । रुसी रक्षा मन्त्रालयले सोमबार देखि मेरियुपोलस्थित एजोभस्टल स्पात कारखानामा करिब १ हजार युक्रेनी सैनिकले आत्मसमर्पण गरेको जनाएको छ ।

मन्त्रालयका प्रवक्ता मेजर जनरल(उपरथी ) इगोर कोनाशेन्कोभका अनुसार बुधबार मे १६ यता ८० जना घाइते सहित कुल ९५९ युक्रेनी सैनिकले हतियार त्यागेर आत्मसमर्पण गरेका छन्।

उनले ५१ जना घाइतेहरूलाई डोनेट्स्क जन गणतन्त्रको स्व-घोषित क्षेत्रको नोभोआजोभस्कको अस्पतालमा पठाइएको पुष्टि गरे।

कोनाशेन्कोभले भने गत दिन मात्रै ६९४ युक्रेनी “आतंकवादी” ले एजोभस्टलमा आत्मसमर्पण गरेका बताए ।

डिपीआरले यस्तै तथ्यांक दिएको छ, जसमा भनिएको गत मे १६ यता कुल ९६२ युक्रेनी सैनिकले आत्मसमर्पण गरेका छन्।

सिएनएनका अनुसार रूसले दिएको तथ्यांक पुष्टि गर्न असमर्थ रहेको भनि समाचारमा जनाएको छ ।

युक्रेनी पक्षले एजोभस्टल छोडेका संख्या र रूसी कैदीहरूको लागि उनीहरूको आदानप्रदानको लागि वार्ताको स्थितिको बारेमा अद्यावधिक गरेको छैन।