रुसले युद्ध शक्तिको १५-२० % गुमाएको छ अमेरिकाले बताएको छ ।

केही युक्रेनी शहरहरूबाट रुसी सेनाहरू पछि हट्दै गर्दा, बेलारूस र रुसी सिमानाहरू पार गरेर फिर्ता भएका केही रूसी वाहिनी रणनीतिक समूहहरू (प्रत्येकमा लगभग ८००-१००० सेनाहरू) लाई युक्रेनमा भएको लडाईमा ठूलो संख्यामा मारिएको वरिष्ठ अमेरिकी रक्षा अधिकारीले बताए ।

“मुट्ठीभर सेना र थोरै संख्यामा सवारी साधनहरू बाहेक बिटिजीसँग केही बाँकी छैन,” अधिकारीले भने।

अधिकारीका अनुसार कुल क्षतिको हिसाबले सेना, बख्तरबन्द गाडी ,विमान र क्षेप्यास्त्र लगायत सूचीको गणना गर्दा रुसले आक्रमणको सुरुदेखि नै युक्रेन विरुद्धको लडाई शक्तिको १५-२० % गुमाएको बताए ।

अधिकारीका अनुसार फिर्ता गरिएका केही रुसी सेनाहरू अब डोनबासको उत्तरपश्चिममा रहेको रुसी शहर बेलगोरोड र वालुयकीतिर लागिरहेका छन्। तर त्यहाँ नयाँ सेनाहरू संलग्न हुने “कुनै सङ्केत छैन” नभएको ,उनले भने।

अधिकारीका अनुसार रुसले ६०,००० भन्दा माथि नयाँ सेना भर्ती गर्ने लक्ष्य राखेको एबिसीन्यूजले समाचार लेखेको छ ।

रूसी बिटिजी(रुसी बटालियन ट्याकटिकल ग्रुप )को पुनर्निर्माण पछि, “उनीहरूको लागि सबैभन्दा सम्भावित कार्य भनेको तुरुन्तै दक्षिण डोनबासमा सर्ने हो,” अधिकारीले भने।

पेन्टागनका अनुसार अब ४० भन्दा बढी रूसी बिटीजी(रुसी बटालियन ट्याकटिकल ग्रुप )हरू डोनबास क्षेत्रमा वा नजिकै रहेको अनुमान गरेको छ। गत बुधबार सम्म “३० भन्दा बढी” थियो, जसको अर्थ हालका दिनहरूमा १०,००० भन्दा बढी सेना आइपुगेका छन्।