अमेरिकी राष्ट्रपति जो बाइडेनले भ्लादिमिर पुटिनलाई “कसाई” भने पछि म्याक्रोनले एक अन्तर्वार्तामा प्रतिक्रिया दिएका छन् ।

फ्रान्सेली राष्ट्रपति इमानुएल म्याक्रोनले आइतवार बाइडेनले पुटिनलाई “कसाई”को संज्ञा दिए पछि उक्त अभिव्यक्ति बिरूद्ध चेतावनी दिएको देखिन्छ भनि सिएनएनले लेखेको छ ।

“म त्यस्ता शब्दहरू प्रयोग गर्दिन किनभने म अझै राष्ट्रपति पुटिनसँग वार्तामा छु,” म्याक्रोनले फ्रान्सेली दूरदर्शन फ्रान्स ३ मा अन्तर्वार्ताको क्रममा भने।

अमेरिकी राष्ट्रपति बाइडेनले शनिबार पोल्याण्डको वार्सामा युक्रेनी शरणार्थीहरूसँगको भेटमा रुसी नेताको चर्को आलोचना गरेपछि यो प्रतिक्रिया आएको हो।

सुरुमा आफू र पुटिनबीचको व्यक्तिगत प्रतिद्वन्द्वीलाई कम गर्न खोजेपछि बाइडेनले पछिल्लो १० दिनमा पुटिनविरुद्ध आफ्नो शब्दाडम्बरलाई तीव्र पारेका छन्। बाइडेनले पहिलो पटक पुटिनलाई “युद्ध अपराधी” भने र पछि उनलाई “हत्यारा तानाशाह, युक्रेनका जनता विरुद्ध अनैतिक युद्ध लड्ने शुद्ध हत्यारा ” भनेर उल्लेख गरेका थिए ।

उनले युक्रेनमा रुसी आक्रमणलाई ‘अमानवीय’ पनि भनेका छन् । म्याक्रोनले थपे: “हाम्रो लक्ष्य भनेको रुसले युक्रेनमा सुरु गरेको युद्ध रोक्नु हो, ” ।

युक्रेनमा रुसको आक्रमण सुरु हुनु अघि, मस्को र पश्चिमा बीचको स्थितिलाई फैलाउन युरोपको कूटनीतिक प्रयासहरूमा म्याक्रोनले अत्यधिक सराहनीय भूमीका निर्वाह गरेका थिए

म्याक्रोनले युद्ध रोक्न प्रयास गर्न र पुटिनसँग बारम्बार सम्पर्क र संलग्न भएका थिए ।