राष्ट्रपति भोलोडिमिर जेलेन्स्कीले आइतबार घेरामा परेको मारिउपोल शहरतर्फ गइरहेको मानवीय रक्षकदललाई आफ्नो गन्तव्यमा पुर्‍याउनु मुख्य कार्य बताएका छन्।

सामाजिक संजाल इन्स्टाग्राम मार्फत एक संक्षिप्त सन्देशमा, जेलेन्स्कीले भने, “हाम्रो मानवीय रक्षकदल मारिउपोलबाट दुई घण्टा मात्र टाढा छ, ८० किलोमिटर टाढा छ।”

“हामी कब्जाकर्ताहरूको प्रतिरोधलाई जित्नको लागि सबै गर्दैछौं, जसले शास्त्रसम्मत गिर्जाघर (अर्थोडक्स चर्च)का पादरीहरूलाई पनि रोकिरहेका छन्, जसले खाना, पानी, औषधिहरू लिएर रक्षा दललाई सहयोग गरिरहेका छन्।”

“युक्रेनले आफ्ना नागरिकहरूको लागि आधारभूत आवश्यकताहरू १०० टन आपूर्ति गरेको छ,” उनले भने।

रक्षादलले शनिबार जापोरिजिया शहरबाट प्रस्थान गरेको थियो । मारिउपोल एक साताभन्दा बढी समयदेखि घेराबन्दीमा छ । शहरका धेरैजसो ठाउँमा पानी र विद्युत् छैन ।

जेलेन्स्कीले १८ दिनको द्वन्द्वपछि रुसले हजारौं सैन्य गाडी, ७४ विमान र ८६ उदग्रबिमान (हेलिकप्टर )गुमाएको दाबी गरे।