ईनेप्लिज प्रतिनिधि-वासु शशी स्मृति परिषद्ले नेपाली साहित्यमा क्रियाशील चार सर्जकलाई सम्मान तथा पुरस्कार प्रदान गर्ने घोषणा गरेको छ।

परिषद्को निर्णय अनुसार वरिष्ठ साहित्यकार शैलेन्द्र साकारलाई ‘वासु शशी साहित्य सम्मान–२०७८’,साहित्यकार राधेश्यामलेकालीलाई ‘वासु शशी साहित्य पुरस्कार–२०७७’,कवि तथा निबन्धकार माेमिलालाई ‘वासु शशी साहित्य पुरस्कार–२०७८’ र साहित्यकार ध्रुब मधिकर्मीलाई ‘कुमार–सरस्वती साहित्य पुरस्कार–२०७८’ प्रदान गर्ने भएको छ।

सम्मानित व्यक्तित्व साकार विगत पाँच दशकदेखि कविता, कथा सम्पादन लेखनमा सक्रिय छन, उनका एक दर्जन साहित्यिक पुस्तकप्रकाशित छन्।

विगत चार दशकदेखि सक्रिय साहित्यकार लेकालीका कविता,मुक्तक सम्पादन सहित एक दर्जन साहित्यिक पुस्तकहरु प्रकाशित छन्।

बितेको साढे तीन दशकदेखि नेपाली भाषा साहित्यमा क्रियाशील निबन्धकार मोमिलाका कविता, निबन्ध रचना प्काशित छन्।उनको लेखन तथा सम्पादन गरी एक दर्जन साहित्यिक पुस्तक प्रकाशित छन्।

विगत साढे चार दशकदेखि सक्रिय साहित्यकार मधिकर्मीका कथा,लघुकथा,कविता,सम्पादन सहित एक दर्जन भन्दा बढी साहित्यिककृतिहरु प्रकाशित छन्।

परिषद्का अध्यक्ष गणेश रसिकको अध्यक्षतामा बसेको कार्य समितिको बैठकले साहित्यकार साकार,मधिकर्मी,लेकाली र मोमिलालाई सर्वसम्मतिले पुरस्कृत गर्ने निर्णय गरेको हो।उक्त सम्मान तथा पुरस्कार वरिष्ठ कवि एवं नाटककार वासु शशीको ८६औंजन्मजयन्तीको अवसरमा आगामी चैत्र १३ गते प्रदान गरिने र उक्त पुरस्कारको राशि रू. २५,०००।- (पच्चीस हजार) रहेको परिषद्कासचिव प्रद्युम्न जोशीले बताए।

वासु शशी साहित्य पुरस्कारबाट यस अघि कवि एवं साहित्यकारहरू विनोद अश्रुमाली,मञ्जु काँचुली,बद्री पलिखे,गणेश रसिक,हेमहमाल,विश्वविमोहन श्रेष्ठ, अशेष मल्ल,हरि अधिकारी,कृष्णभूषण बल,काजी रोशन,डा.विष्णुविभु घिमिरे,नरेन्द्रबहादुर श्रेष्ठ,डा.विमल कोइराला,तीर्थ श्रेष्ठ,कणाद महर्षि,उषा शेरचन,गोविन्द गिरी प्रेरणा,सैलेन्दु प्रकाश नेपाल र ईन्दिरा प्रसाई पुरस्कृत भैसकेका छन्।त्यसैगरी वासु शशी स्मृति सम्मानबाट वरिष्ठ साहित्यकारहरु तीर्थराज वन्त,डा. मोहनहिमाशु थापा,तुलसी दिवस,भैरवनाथरिमाल ‘कदम’,प्रदीप रिमाल,यादव खरेल,गीताकेशरी,शिव रेग्मी,परशु प्रधान,कालीप्रसाद रिजाल कृष्ण जोशी,रमा शर्मा,श्रीधरखनाल,ज्ञान उदास,भागिरथी श्रेष्ठ,कल्पना प्रधान,श्रेष्ठ प्रिया पत्थर र कर्ण शाक्य सम्मानित भइसकेका छन्।