काठमाडाैं, विशेष अवसरहरूमा टुक्का लेखन अभ्यास श्रृङ्खलाहरू सञ्चालन गर्दै आएकाे टुक्का साहित्य समाजले २०७८ पाैष २७ गते पृथ्वी जयन्ती तथा राष्ट्रिय एकता दिवसकाे अवसरमा “टुक्का लेखन अभ्यास श्रृङ्खला-२९” सम्पन्न गरेकाे छ।

टुक्काका प्रवर्तक/ टुक्का साहित्य समाजका अध्यक्ष ताराप्रसाद चापागाईंकाे संयाेजकत्व तथा प्रशिक्षण मा  सञ्चालित उक्त कार्यक्रममा पृथ्वी जयन्ती/ राष्ट्र प्रेम विषयमा केन्द्रित भएर  नेपाल भारत लगायत विश्वका विभिन्न देशहरूबाट १०७ नेपालीभाषी सर्जकहरूले चाेटिला टुक्काहरू सिर्जना गरेका थिए ।

कार्यक्रमकाे समापन गर्दै समाजका अध्यक्ष/ संयाेजक चापागाईले सबै देश भक्त नेपालीले पृथ्वी नारायण शाहका दिव्याेपदेशहरूलाई मनन् गर्दै अघि बढ्नु पर्ने कुरामा जाेड दिदै पृथ्वी जयन्ती तथा राष्ट्रिय एकता दिवसकाे अवसरमा सम्पूर्ण नेपालीहरूमा शुभकामना व्यक्त गर्दै सक्रिय सहभागिताकाे लागि सम्पूर्ण सर्जकहरू प्रति हार्दिक आभार समेत व्यक्त गरेका थिए ।

“टुक्का” दुई हरफमा अक्षर संख्या बराबर गरेर तुक् (अन्त्यानुप्रास) मिलाएर दुई हरफमा नै पूर्ण हुने गरि लेखिने नेपाली माैलिक प्रयाेगवादी लघुत्तम काव्यिक विधाकाे रुपमा छाेटाे समयमा धेरै सर्जक तथा पाठकहरूकाे मनमा बस्न सफल भएकाे छ।

अभ्यासकाे क्रममा सङ्कलन गरिएका उत्कृष्ट टुक्काहरू

[१]
राष्ट्र निर्माता पृथ्वीनारायण वीर गोर्खाली सिद्धान्तका प्रतिपादक राजा
राष्ट्रियताको प्रतिक दुरदर्शी नेतृत्वका दिव्य उपदेशहरू छन् ताजा।
 ताराप्रसाद चापागाईं
धुनिबेसी ।

[२]
आधुनिक  नेपालका  थिए  प्रथम  राजा
एकताका प्रतिक हुन् हामी सबैका साजा।
 हिउँकला हाँसी खतिवडा
कमलबजार अछाम।

[३]
देश हाम्रो नेपाल हो नेपाली हामी पर्‍यौँ
एकतावद्ध भइ आज देश एक गर्‍यौँ ।
 राजेशराज गड्तौला
रतुवामाई- १०, मोरङ
हाल- प्रवास

[४]
एकताको सुत्रधार पृथ्वी  थियौ राजा
तिम्रो काम अझैसम्म छ नि यहाँ ताजा ।
 केशवप्रसाद ढकाल `प्रीतबीज´
गाेरखा

[५]
जन्मिएका गाेर्खा जिल्ला नरभूपालका पुत्र
खण्ड खण्ड याे नेपाल जाेड्ने एकताका सूत्र ।
 मित्र उराठी गाैतम
तिलाेत्तमा न पा-२ रुपन्देही

[६]
पसिना र रगत  तिम्रा मिलेकाे यहि माटाेमा
पूर्व मेची पश्चिम काली जाेड्याै एउटै गाठाेमा।
 प्रशान्त स्वाँर
अछाम, हाल धनगढी

[७]
रात दिन खटेर बहादुरीका साथ एउटै राज्य बनायाै
विश्व मान चित्रमा नेपाल भन्ने देश पनि छ भन्ने जनायाै।
 पवन कुमार बुढाथेाकी
काठमाडौं

[८]
एकताका प्रतिक तिमी राष्ट्रपिता थियौ
फुटी हैन जुटी देश बन्ने सन्देश दियाै।
 नानीबाबा अधिकारी
काठमाडाैँ

[९]
देश निर्माणमा बढ्याे पछि सरेन
अमर भयाे फेरि कहिल्यै मरेन।
 बिनिता बिश्वकर्मा ‘बिनु’
बाजुरा ।

[१०]
बाइसे र चौबिसे राज्य जोड्ने थिए एउटै पृथ्वी राजा
चार जात छत्तीस वर्णलाई बनाए थे सबैका साजा ।
 बेदु न्यौपाने
काठमाडौ
[११]
एकता का  प्रतीक थिए एक राष्ट्र नायक
कोही जन्मेनन् फेरि देश बनाउँने लायक।
 लक्ष्मी श्रेष्ट
बिर्तामोड झापा।

[१२]
पुरुषार्थी निडर तिनै राजा पृथ्वी थिए
राष्ट्र निर्माण र एकताकाे सन्देश दिए।
 प्रेम सुनार
दैलेख

[१३]
टुक्रे टुक्रे राज्य थिए बनायाै सिङ्गो नेपाल
चार जात छत्तिस वर्ण गास्यौ एउटै जाल ।
 बुद्धिमान चौधरी
कनकाई नगरपालिका ४ झापा

[१४]
चार जात छत्तिस वर्णका फुलवारीका ज्ञाता
तिमी नै हौ यो मुलूक बनाउने राष्ट्र निर्माता।
 पूर्णबहादुर श्रेष्ठ “हृदयङकृत”
पनौती-३,काभ्रे

[१५]
सुन्दर शान्त देश याे अनेकतामा एकता
यही नै हो नेपालीको पहिचान र सभ्यता।
 घनश्याम पौडेल
सृजना चोक, पोखरा।

[१६]
अरिङ्गाललाई झिँगा अनि सिस्नुलाई देख्थे झार
पृथ्वीनारायणसँग अङ्ग्रेजले मान्नु पर्याे हार।
 ललिता अभागी
सुनकोशी-५ सिन्धुली

[१७]
चार जात छत्तिस वर्ण एकता गाँसेर भाे टिकाऊ
दुरदर्शिता दिव्याेपदेश भएन कहिल्यै बिकाऊ ।
 निरज काेइराला
बेलका १ भाैडादेवी टाेल उदयपुर
हालः इटहरी

[१८]
राष्ट्रिय एकताका प्रतीक दुरदर्शी राजा
टुक्रिएको राज्य जोडि बनाए सबको साजा।
 रुपा पौडेल
ललितपुर

[१९]
छोटा छोटा राज्यलाई एकता गराई मिलाउने उनकै छ राज
विश्वले चिन्छन् चार जात छत्तिस वर्णको फूलबारी हो भनी आज।
 अनुग्रह राना मगर ‘पुष्प’
संखुवासभा हाल मलेसिया

[२०]
बाइसे चौबिसे राज्य एक बनाई पृथ्वीनारायणले अरू
राष्ट्रिय एकता दिवस मनाऊँ लाै उनकै सम्झनामा बरू।
 सुरेशकुमार पान्डे
दाङ घोराही१८

[२१]
बाइसे र चौबिसे राज्य एक बनाएका थियौ
उमेर सानै तर मनमा देशको चिन्ता लियौ ।
 इन्दिरा देवकाेटा
कपिलवस्तु न पा ३

[२२]
राष्ट्र प्रेम सिक्नु परे पृथ्वीको इतिहास हेर
ठड्याए थे सिंगो नेपाल राष्ट्र सम्झनामा बेर।
 दीपक ठटाल जलन
खरसाङ, दार्जीलिङ।

[२३]
बाइसे र चौबिसे ति राज्य जोड्ने राजा
पृथ्वी हुन् राष्ट्रपिता हामी सबका साजा।
  नवशिला
बेलबारी -२,लालभित्ती,मोरङ।

[२४]
राष्ट्रप्रती निकै गहिरो प्रेम हुनुपर्छ ,
चोट पर्दा देश माथि याे मन रुनुपर्छ ।
 बिक्रम तिरुवा सलिन
तिला ३ जुम्ला

[२५]
टुक्रिएका राज्यहरु सबै समेटेर
विश्व सामु चिनाए थ्याै नेपाल भनेर।
 प्रेम कला चापागाईं
झापा

[२६]
गोरखाबाट काठमाडौ देश रचाउन
नेपाल अनि नेपालीको शान बचाउन ।
 मन्दिरा सेढाई
मलेखु,धादिङ

[२७]
चार जात छत्तिस वर्ण को फूलबारी हाम्रो
पृथ्वी नारायण शाहको अद्भुत वाणी राम्रो।
 सरस्वती श्रेष्ठ
इटहरी

[२८]
पृथ्वी तिमीले टेकेका साम्राज्यमा आफ्नो राज चलायाै
वैरीलाई निमिट्यान्न परेर कुटनीतिले  गलायाै।
 अम्विका अधिकारी
झापा विर्तामोड

[२९]
राष्ट्रप्रेम अनि एकता देशको सुरक्षा छाता
हामीमा एकता नरहे वैरीले कस्नेछन् पाता।
 बिके मुखिया
दार्जीलिङ भारत।

[३०]
यो देशको माटो निधारमा चन्दन मानी लाउँछु,
अन्तिम श्वास चलेसम्म म देशकै गीत गाउँछु ।
 गंगा खड्का
बूढानीलकण्ठ १ काठमाडौँ

[३१]
विशाल एक बनाई छोडे राष्ट्रिय एकता
बिर्सनु हुन्न कहिल्यै साथी उनको वीरता।
 भगवती दवाडी
दमक झापा

[३२]
बाइसे र चाैबिसे राज्य समेटेर एक राज्य बनायाैँ
उनै राष्ट्र पिताकाे सम्झनामा राष्ट्रिय दिवस मनायाैँ ।
 केसर बाेहरा
अछाम ।

[३३]
पृथ्वी बाईसे चौबीसे राज्यहरूमा पनि चढे
पूर्वदेखि पश्चिमसम्म राज्य विस्तारमा बढे ।
 डम्बर थामी ‘अनुपम’
कालिन्चोक गाउँपालिका-६, दोलखा

[३४]
पुर्खाले आर्जेको दुई ढुंगा बिचको नेपाल मुलुक
सिमाना रक्षा गरेनौं भने लैजालान् खल्याक खुलुक।
 होम प्रसाद नेउपाने
धरान,सुनसरी ।

[३५]
साना-तिना  राज्यहरु कब्जा गर्दै गए
राज्य विस्तार गरी ती पृथ्वी राजा भए ।
 रचना मोक्तान “यात्री”
नमोबुद्ध न.पा. -५, काभ्रे ।

[३६]
हाम्रा गौरव हुन नृप थिए निकै सहासी पनि
बाँधे एकता सूत्र मा साना साना टुक्रे राज्य अनि।
 सूर्य मणि रेग्मी
चितवन

[३७]
हिमाल पहाड़ तराई अखण्ड प्रकृति राम्रो
विविध भाषा,जीवन एकताको संस्कृति हाम्रो।
 भूषण जंग
काठमाण्डू ।

[३८]
एकमात्र राष्ट्रनायक काेरे देशकाे खाका
नेपाली भनि नाम दिने प्रतीक एकताका ।
 बिबस पारदर्शी
भद्रपुर न०प० २, झापा

[३९]
बाइसे चौबिसे राज्य एकीकरण गराई  छाडे
चार जात छत्तिस वर्णको फूलबारी भनि बाँडे।
 सुशिला पाैडेल

[४०]
भाँडभैलो मच्चिएको छ सधैं भरिको सकस
कसरी  मनाउने हो  राष्ट्रिय  एकता  दिवस।
 दुर्गा बुलबुल श्रेष्ठ
धादिङ

[४१]
राष्ट्रघाती सम्झौताहरू सबै हुनुपर्छ बदर
राष्ट्र निर्माणमा जीवन दिनेकाे गराैँ है कदर ।
 त्रिलोचन भण्डारी
मेचीनगर, झापा

[४२]
हाम्रो नेपाल भन्न पाइएको छ गर्वले
निर्माण गरे पृथ्वीले अनेकौं संघर्षले।
 लक्ष्मण समीर, बर्दिया
हाल काठमाडौं

[४३]
देश निर्माण गर्ने तिमीलाई छ हाम्रो उच्च सम्मान
पृथ्वीमा हाहाकार मच्चियो प्रकट होउ भगवान।
 जमुना आचार्य
सिन्धुपाल्चोक

[४४]
एकताले बल मिल्छ भनेर  पृथ्वीले नारे
कलियुगको नेतृत्वले सबै बिनाश पारे।
इश्वरी अधिकारी
लमजुङ

[४५]
पृथ्वीनारायणकाे एकीकरणले बनेकाे देश नेपाल
टुक्र्याउन खाेज्दैछन नेताले फेरि गरेर अनेकाै जाल ।
 सुरेखा चाम्लिंग
भक्तपुर

[४६]
एउटै बगैंचाका फूलहरू एक हेक्का हुनुपर्छ
दुस्मन हरू पछारेर शिरले आकाश छुनुपर्छ।
 माधवी भट्ट
सुर्नया( बैतडी )

[४७]
पुर्खाले टेकेको यी माटो घस्न तयार बरू
पृथ्वी एक छँदै छौ सहिद भूली सके अरू।
 माेहन तर्मु मगर

[४८]
एकताको प्रतिक तालीका लायक
पृथ्वीनारायण हुन् राष्ट्रका नायक।
 म्यामराज राई
भोजपुर

[४९]
सुन्दर शान्त विशाल देश नेपाल वाह
महान हुन् निर्माता पृथ्वी नारायण शाह ।
 बिके माकजु
भक्तपुर ।

[५०]
टुक्राटाक्री राज्यहरु थिए साना साना भइकन वरपर अलमल्ल
पृथ्वीनारायणले एक सुत्रमा बाँधेर नेपाल लाई पारे झलमल्ल ।
 गुणनिधि घिमिरे
माेरङ्ग, हाल अमेरीका ।

[५१]
पृथ्वीले आर्जन गरेकाे राष्ट्रिय एकता,
हेर्नुहाेस् त आज हुन लाग्याे यता न उता ।
 शान्ति याक्साे
ताप्लेजुङ, (हाल काठमाडौं)

[५२]
थिए पृथ्वीनारायण महान देश निर्माता
राष्ट्रपिता महान देशका ती जीवन दाता।
 कृष्ण आनन्द भट्ट
प‌ञ्चेश्वर ०५ बैतडी

[५३]
एकताका सूत्रधार हुन् ती पृथ्वी , सदैव होस् कदर
अनुपम दिव्योपदेश राष्ट्र निर्माणमा  होस्  सदर।
 मिसु श्रेष्ठ
दोलखा ( हाल काठमाडौं )

[५४]
धर्म लिङ्ग वर्ण छ भ्रष्टाचारीको खाजा
पृथ्वीको भार बोक्ने एकीकरण राजा ।
 रिजाल विनोद
बेलबारी ०२ मोरङ

[५५]
थिए एक शक्तिशाली राजा पृथ्वी अति देश भक्त
टुक्रिएका राज्यलाई एक बनाइ पारे सशक्त।
 कोकिला चौधरी
बाँके

[५६]
नेपाल र नेपाली मनमा छर्ने एकताको प्रवाह
पुन माग्दैछ याे देशले एक पृथ्वीनारायण शाह।
 अरुणा श्रेष्ठ ‘अनु’
झापा

[५७]
हामीले भुल्नु हुन्न कहिल्यै पुर्खाले गरेका बलिदान
राष्ट्र एकीकरण गर्ने पृथ्वीनारायण थिए महान ।
रिता खराल
रुपन्देही

[५८]
एकताका प्रतीक राजा पृथ्वी  थिए देश भक्त
टुक्राटुक्रा भएको देश जाेडेर पारे  ससक्त ।
 दुर्गा भट्टराई
मोरङ

[५९]
राष्ट्र प्रेमी जति पृथ्वीलाई सम्झेर रुन्छन्,
भ्रष्टाचारी नेता चैँ राष्ट्रकै रगत दुन्छन्।
 अरुण कुमार भुजेल
गोरूबथान,कालेबुङ्ग,भारत।

[६०]
उनको राष्ट्र प्रेमले हामीलाई छुनुपर्छ
देशलाई चोट लाग्दा मुटुहरू रुनुपर्छ।
 हिमा रोका
मेहेलकुना सुर्खेत

[६१]
पृथ्वी जस्तै कयौं वीरहरु खै कता हराएका
छाै कि कतै नेपाली तिमी दुश्मन सँग डराए ।
 कल्पना थामी
सिन्धुपाल्चोक

[६२]
एकताको अभियानलाई पृथ्वीले धाने
समग्रमा राष्ट्रवादी प्रतीक चिन्ह माने ।
 रामकृष्ण दुवाडी
पाेखरा ।

[६३]
वितण्डा राजनीति हटाउनुपर्छ सङ्घीयता
सबै मिलिजुली देश बनाउनुपर्छ एकता।
 बासुदेव दनुवार
सिन्धुली

[६४]
हिजो को राष्ट्रिय प्रेम र एकता आज खण्ड खण्डमा बाँडिएछ्न्
सर्वहारा हुँ भन्ने नेता हरू सत्ता को भाग बन्डामा भाँडिएछन् ।
 लक्ष्मी प्रसाद फुयाल

[६५]
उहिले थिए नेपाल धर्तीमा पृथ्वीनारायण एक
रोएर बसे देश र जनता लौ! बिते दिन अनेक।
परिक्रमा श्रेष्ठ
धरान, सुनसरी ।

[६६]
नेपाली हाैँ तयार सधै गर्नु परे सामना
पृथ्वी जयन्तीकाे सम्पूर्णलाई शुभकामना।
 सहयात्री शाेभा अर्याल
रुपन्देही १४ बुटवल

[६७]
एकताको मुल स्तम्भ राजा पृथ्वीले गाडे गहिरो
मेटाई  दिए सबै शत्रु अनि देश भाँड्ने पहिरो।
 अच्युत घिमिरे
दोभान भुटान।

[६८]                          
नेपाल को एकिकरण गर्ने पुर्खा उनै हुन
पृथ्वी नारायण शाह बिना  जन्म लिन सकुन।
 संझना( कुसुम)

[६९]
बनाइदियाै सुन्दर माला थुङ्गा थुङ्गा उनेर
बचाइराखाैँ एकता ती दिव्याेपदेश  गुनेर ।
 दुर्गा वनवासी
झापा

[७०]
दुस्मनको हात घाँटी रेट्दै मुलुक विजय बनायो
नेपाली सबै हाैँ एक भन्दै वीरताको झण्डा फैलायो।
 रुपेश सदय
सिरहा।

[७१]
पृथ्वीनारायण नेपालका युग नायक थिए
छिन्नभिन्न थियाे देश एकीकरण गरी दिए ।
 हरिनारायण चाैधरी
सुन्दर हरैंचा नगरपालिका १ मोरङ

[७२]
एकताका प्रतीक पृथ्वीनारायण हाम्रा
दूरगामी राजा थिए महान वाणी राम्रा ।
 निर्मला शाही ठकुरी
दैलेख, हाल सिवान भारत

[७३]
१.
गोरख काली मनकामनाको आशिर्वाद थियाे
एकीकरण अभियान सफल बनाई दियाे ।
 सुरेश भट्ट

[७४]
शिक्षा दिएकाछन निडरहुनु गर्नु सबैले भावना
दिदैछु सबैलाई आज पृथ्वी जयन्तीको शुभकामना ।
 दुर्गा आचार्य
मोरङ

[७५]
टुक्रे मुलुक एक गरि एकताको उदाहरण दियौं
गणतान्त्रिक मुलुकमा आज तिमी ले ठूलो स्थान लियौं।
 प्रदीप के रिमाल
इटहरी, सुनसरी ।

[७६]
नेपाल देश धवल बन्याे पृथ्वीकाे याेगदानले
विश्वमा नेपाली भनि  गर्व गर्दछाै हामी सानले।
 प्रद्युम्न चालिसे
भक्तपुर ।

[७७]
राष्ट्र निर्माता पृथ्वी नारायण शाहको सदा नै जयहोस्
अखण्ड दीप बालियुन राजा तिम्रो किर्ती गान लयहोस्।
 पुष्पशायरा
बिराटनगर ।

[७८]
एकता सुत्रमा बाँधे पृथ्वीनारायण शाहले
खरानी भए भुरे टाकुरे, जले पीडा र डाहले ।
 वसन्त अनुभव
घोराही उपमहानगरपालिका १४, दाङ

[७९]
पृथ्वीनारायण शाह हुन् हाम्रो नेपालको बहुमूल्य तारा
नेपाली भएर बाँचेका छौं उनले नै दिएका अभिभारा।
 रतन पाण्डे’पारतन’
दार्जिलिङ्ग ।

[८०]
सम्झना भित्र पृथ्वी छन् देशप्रेमी बनी
मात्र कुरा गर्न जान्ने बन्न लागे धनी।
 पौडेल विमुन्स
पोखरा कास्की

[८१]
पृथ्वीलाई  सम्झि गर्व छ मलाई  माफ  गर
भत्काउने बग्रेल्तीछन् देश जोड्ने  को नै छ र?
 चिरञ्जीवी ढकाल
नेपालगन्ज -२०
राँझा एयरपोर्ट बाँके

[८२]
यो गणतन्त्र फटाहालाई मागी खाने भाँडो
दलालहरू ति नेपाली जनतालाई घाँडो ।
 गणेश तिमल्सिना गति
धनुषा

[८३]
सिङ्गो नेपाल बनायौ नेपालीको सान बढायौ
एकताको नाम दिई सभ्यताको दियो जलायौ।
 रीना सापकोटा खनाल
जि.सि.-१४ बारा ।

[८४]
पृथ्वीनारायण नभएका भए, नेपाल सिंगो कसरी बन्थ्यो
हामी नेपाली रहने थिएनौं विदेशी ले आफ्नो जमिन भन्थ्यो।
 रचना शर्मा प्रतीक्षा
ललितपुर ।

[८५]
फुट्ने होइन जुटौ अब दिदै बलिदान
प्राणभन्दा प्यारो हुन्छ देशको स्वाभिमान ।
 जि कुमार गौतम
भद्रपुर-१ पृथ्विनगर

[८६]
साना टुक्रे राज्य भए कसले हामीलाई नेपाली भन्थ्यो
एउटै नभए आज कसरी यत्रो विशाल राज्य बन्थ्यो।
 दस्ता कौशिक
पाँचथर ।

[८७]
नेपाल एकीकरणका पृथ्वी हुन् चम्किला तारा
चौबिसे राज्य सिङ्गो बनाउने थियो अभिभारा ।
 तारा घिमिरे
सङ्खुवासभा।

[८८]
पृथ्वीनारायणले जोडेको देश आज भत्किएला जस्तो
राज्य सञ्चालन गर्ने नेताहरू नै यहाँ भए खै कस्तो ।
 बिक्रम तिरुवा सलिन
जुम्ला

[८९]
युगका पुरुष पृथ्वीनारायण इतिहासले भन्छ
एकतामा शक्ति ठुलाे सुशासनले मात्र देश बन्छ ।
 रश्मि रिमाल
झापा ।

[९०]
हर्ष उल्लास सँग पृथ्वी जयन्ती मान्नु
वैरी आउलान नेपाल बलियाे बान्नु ।
 अरुण नदी खत्री
काठमाडाैँ ।

[९१]
हिजो वीर पुर्खाहरूले जोगाएको माटो प्यारो नासो
हामी सबै मिलेर बनाउनु पर्छ नेपालको चासो।
 शरद प्रधानाङ्ग
विराटनगर-७

[९२]
राष्ट्रिय एकता दिवस केवल पात्रोमा मात्र नै लेखियाे,
राष्ट्र निर्माता पृथ्वी समेत गणतन्त्रको सिकार देखियाे।
 शम्भु लाल श्रेष्ठ
नागार्जुन -१ रानीवन, पानीट्यांकी, काठमाडौं।

[९३]
टुक्रा टुक्रा भएकोलाई एउटै बनाउने
महान छौँ पृथ्वी तिमी नै हाै देश सजाउने।
 राजेश भट्टराई
सैनामैना ११,रुपन्देही

[९४]
चार जात छत्तिस वर्णकाे फूल टिपि उन्याै तिम्ले एउटै माला
नेतागणकाे सुधारेर मति तिम्राे जस्तै बनाइदेउन चाला।
 लक्ष्मी घिमिरे दहाल
झापा।

[९५]
साना राज्य एकीकरण गरी ठुलाे देश बनाउने
राष्ट्र निर्माता पृथ्वीकाे आज जन्म जयन्ती मनाउने ।
 लालीमाया थापा मगर
प्युठान

[९६]
टुक्रा टुक्रा भएको देश नेपाल लाई जोगाउने
सहिद बनी गरेका काम सम्झना मा दिलाउने।
 नवीन जाेशी
कैलाली ।

[९७]
पृथ्वीनारायण शाहको जन्मदिन मनाए
उनैले टुक्राटुक्रा राज्यलाई सिङ्गो बनाए ।
 रत्ना पुन मगर
रुकुम पश्चिम्

[९८]
१
पृथ्वी नारायण शाह ती राष्ट्रपिता हुन
उनको योगदानकाे गाउनु पर्छ गुन।
 गोमा गुरागाई
इटहरी, सुनसरी

[९९]
पृथ्वीनारायण शाह जस्तो अरु राजा थिएनन्
अशान्ति र  विश्वासघात जनतालाई दिएनन्।
 कमला हरिमाया पाण्डे पराजुली
झापा

[१००]
देश उत्थान गर्ने नै छायामा छन् सधैँ यहाँ
हराए राष्ट्रनिर्माता खोज्नजाऊँ म पो कहाँ।
 रामशरण न्यौपाने
भक्तपुर ।

[१०१]
माली हामी नेपाली हौं फूलबारी यो विशेष
पृथ्वी जयन्ती मनाउँदै जाेगाऊँ भाषा भेष ।
 ज्योती घिमिरे
धनुषा ,गोदार।

[१०२]
एउटै साझा फुलबारी हाे सुन्दर शान्त नेपाल
पृथ्वीनारायण काे एकीकरणले बन्याे विशाल।
 साधना पाेैडेल
ओखलढुङ्गा ।

[१०३]
सिंगो नेपाल निर्माण गर्ने, पृथ्वी तिमी योद्धा वीर
तिम्रो देश टुक्रिदै गो, नेपाल आमा को बढ्दो पीर।
 पदमा शर्मा आँचल
कालाचिनी, भारत ।

[१०४]
पृथ्वीले टुक्राराज्य जोड्न अगाडि बढेर
सिंङ्गोराष्ट्र निर्माण गरे लडाइ लडेर  ।
 ऋषिराम खनाल
मध्यबिन्दु- ६ नवलपुर

[१०५]
महानायक राष्ट्र सेवक त पृथ्वी  थिए
देशको निमित्त सिंगो जीवन अर्पि दिए।
 रुपा गाैतम
निजगढ बारा।

[१०६]
वीर पुर्खा ले अर्पेको ज्यान आज धेरै सस्तो भयो
नेपाली को वीरता त्याे इतिहासमै बिलाई गयाे ।
 सुमिना तिमल्सिना
भक्तपुर ।  ।

[१०७]
राष्ट्रलाई यौटै मालामा गाँसेर जसले सिङ्गो नेपाल बनाए
तिनै पृथ्वीलाई सम्झिन किन हो यहाँ केही व्यक्ति निकै लजाए ।
 प्रीति आत्रेय ज्ञवाली (फलित ज्योतिषाचार्य)
स्तम्भकार, नारी मासिक
बुटवल, हाल न्होम पेन्ह, कम्बोडिया

>>> जय टुक्का! जय साहित्य!! <<<