अष्ट्रेलियाको अध्यागमन हिरासतबाट बिश्वकै शीर्ष टेनिस खेलाडी नोभाक जोकोभिचलाई रिहा गर्न अदालतले आदेश दिएको छ ।

जोकोभिचले यस महिना मेलबर्नमा आयोजना हुने अष्ट्रेलियन खुला प्रतियोगितामा आफ्नो पुरुष एकल उपाधि रक्षा गर्न अनुमति दिनुपर्छ, एक न्यायाधीशले उनको प्रवेशाज्ञा (भिसा ) रद्द गर्ने सरकारको निर्णयलाई खारेज गरे र उनलाई रिहा गर्न आदेश दिएका छन् ।

घण्टौंको छलफल, प्राविधिक त्रुटि र दुबै पक्षबाट तर्क पछि, न्यायाधिश एन्थोनी केलीले जोकोभिचलाई अस्थायी पाहुनाघर (होटेल )हिरासत सुविधाबाट रिहा गर्न आदेश दिए र उनको समान/सम्पत्ति सोमबारको फैसलाको ३० मिनेट भित्र फिर्ता गरियो।

न्यायधिश केलीले यस मुद्दामा प्रतिवादीलाई अष्ट्रेलियाको गृह मन्त्रालयले जोकोभिचको कानुनी लागत तिर्न समेत आदेश दिएका छन् । निर्णय पछि सरकारका एक वकिलले भने कि अष्ट्रेलियाका अध्यागमन मन्त्रीले मुद्दामा व्यक्तिगत रूपमा हस्तक्षेप गर्ने अधिकार सुरक्षित राखेका छन्।

सरकारका लागि काम गर्ने क्रिस्टोफर ट्रानले भने कि मन्त्री एलेक्स हकले फैसलाको बावजुद जोकोभिचलाई देशबाट हटाउन मन्त्रीको शक्ति कायम राखेको बताए ।

३४ वर्षीय खेलाडी सर्बियाबाट जनवरी ५ मा अष्ट्रेलियाको लागि उडेका थिए । अस्ट्रेलियाली सीमा बलले कोभिड-१९ विरुद्ध सबै आगमनहरूलाई पूर्ण रूपमा खोप लगाउनु पर्ने आवश्यकताहरूबाट चिकित्सा छुट अस्वीकार गरेपछि मात्र उसको भिसा रद्ध गरिएको थियो ।

यसअघि कोभिड-१९ खोप र खोपको आदेशको विरोध गर्ने जोकोभिच अस्ट्रेलिया पुग्दा खोप लगाएका थिएनन । आफ्नो फैसलामा न्यायाधीशले भने कि यदि जोकोभिचलाई देश निकाला गरिएको भए तीन वर्षको लागि अष्ट्रेलियाबाट प्रतिबन्धित हुने थियो भनि सिएनएनले समाचार लेखेको छ ।