बिहीबार, साउन २६ २०७९
काठमाडौं २१:०१
वासिङटन डिसी 11:16

सहकारी बोर्डमा गोविन्द दुलाल

इनेप्लिज २०७८ साउन ३० गते १७:०० मा प्रकाशित

सहकारी क्षेत्रको सर्वोच्च निकायको रुपमा रहेको सहकारी बिकास बोर्डमा बाग्मती प्रदेश सरकारले लेखक÷पत्रकार गोविन्द प्रसाद दुलाललाई नियुक्त गरेको छ। मन्त्रिपरिषद्ले यहि साउन २८ गतेको निर्णयअनुसार श्री दुलाललाई नियुक्त गरेको हो ।

सहकारी ऐनमा व्यवस्था भएअनुसार भूमि व्यवस्था तथा सहकारी मन्त्रीको अध्यक्षतामा गठन हुने पन्ध्र सदस्यीय सहकारी विकास बोर्डमा अर्थ , उद्योग, भुमिव्यवस्था तथा सहकारी र सामाजिक विकास मन्त्रालयका सचिवहरु समेत गरी दश जना पदेन सदस्य रहने व्यवस्था छ, भने उपाध्यक्ष, सदस्य–सचिव, दुई महिला र एक विज्ञ सदस्य गरी छ जना मन्त्रिपरिषद द्बारा नियुक्ति गर्ने व्यवस्था छ । प्रदेश सरकारले उपाध्यक्षमा यसअघि नै नारायण देवकोटालाई नियुक्त गरिसकेको थियो भने वोर्डको विज्ञ सदस्यका रुपमा दुलाललाई नियुक्त गरेको हो ।

२०५५ सालदेखि सहकारी क्षेत्रमा आवद्ध दुलाल जनविचार पव्लिकेशन एण्ड रिसर्च सेन्टरका अध्यक्ष समेत हुन् । लामो समयदेखि पूर्व प्रधानमन्त्री टंकप्रसाद आचार्यको नाममा स्थापित संस्था टंकप्रसाद आचार्य स्मृति प्रतिष्ठानका सदस्य–सचिव रहेका दुलाललाई प्रदेश सरकारले गरेको नियुक्ती बाट सहकारी क्षेत्रको विकास, व्यवस्थापन र प्रवर्द्धनका क्षेत्रमा सुधार हुने अपेक्षा समेत गरिएको छ ।

प्रतिक्रिया