राजा ज्ञानेन्द्र शाहले तत्काल पत्रकार सम्मेलनको आह्वान गरी नेताहरूलाई बुझाएको नासो फिर्ता लिने समय आएको छ। राजा ज्ञानेन्द्र शाहले पत्रकार सम्मेलनको आयोजना गरि बुँदागत रूपमा केही कुराहरू भन्नुपर्ने समय आएको छ:-
१)विक्रम सम्वत २०६२/०६३ सालको जनआन्दोलन पछि राजा ज्ञानेन्द्र शाहले के कति कारणले नेताहरूलाई नासो जिम्मा लगाएको हो र नेताहरूले आजसम्म के के गरे एक एक कुरा भन्नुपर्ने हुन्छ । अब राजा ज्ञानेन्द्र शाह मौन बसेर हुँदैन ।
२) केही वास्तविक राजावादीहरु राजा ज्ञानेन्द्र शाहको प्रतीक्षाको घडीमा छन राजा ज्ञानेन्द्र शाहले आफु आउने वा नआउने वास्तविक चाहना के छ खुलस्त रूपमा भन्नुपर्ने हुन्छ ।
राजा ज्ञानेन्द्र शाहलाई मेरो सुझाव र सल्लाह जनताहरुको आस र भरोसामा पर्नु भयो भने नेपालमा सय वर्षमा पनि राजसंस्था फर्कन असम्भव छ । राजा ज्ञानेन्द्र शाहले नेताहरूलाई जिम्मा लगाएको नासो नेताहरूले नासो सजिलोसँग फिर्ता दिंदैनन । यसकारण राजा ज्ञानेन्द्र शाहले अब नासो खोसेर फिर्ता लिनुपर्ने समय आएको छ ।
मुलुकमा दोस्रो चरणको कोरोना भाइरस संक्रमण फैलिएको डर र त्रासको अवस्था छ । मुलुक दोस्रो चरणको कोरोना भाइरस संक्रमण महामारीको संकटको समयमा नेताहरूको बीच सत्तालाई लिएर सत्ता, स्वार्थ खेल, मोहको झै झगडा र सांसद अपहरण गर्ने जस्ता गतिविधि भएको छ । मुलुकमा राजनीतिकको आडमा घिन लाग्दो कार्य भइरहेकोछ । नेताहरूले नाटकीय चित्रण प्रस्तुत गरिरहेका छ्न । प्रधानमन्त्री के.पी.शर्मा ओलीले विश्वासको मत लिन लागेका छन भने उता सरकारलाई दिएको समर्थन फिर्ता लिएर के.पी.शर्मा ओली नेतृत्वको सरकारलाई अल्पमतमा पार्ने काम भएको छ ।
विक्रम सम्वत २०६२/०६३ सालपछि नेताहरूले मुलुकलाई निकास दिन सकेनन । यसप्रकार नेताहरू असक्षम र असफल साबित भएका छन । मुलुकमा कोरोना भाइरस संक्रमणको महामारीमा दैनिक ज्यालादारी गरेर दिनदिनै गुजारा गर्नेहरुको लकडाउनमा कतिपयको घरहरूमा चुल्हो नबल्ने आदि इत्यादि अवस्था पनि छ । पहिलो चरणको कोरोना भाइरस संक्रमणमा पनि खाद्यान्न सामग्रीहरुमा व्यापक महँगी बढाइएको थियो । खाद्यान्न सामग्रीहरु र ग्यासहरु लुकाइएको थियो । दोस्रो चरणको लकडाउनमा सोही प्रक्रिया यथावत अपनाइएको छ । बिरामीहरु अस्पतालहरुमा समयमा भर्ना, उपचार र अक्सिजन नपाएर मृत्यु भएको अवस्था छ । मुलुकमा बिजोग छ बिजोग अवस्था ।
कोरोना महामारीको जटिल अवस्थामा नेताहरूको बीच सत्तालाई लिएर पटकपटक कहिले बालुवाटार त कहिले शेरबहादुर देउवा लगायतका नेताहरूको निवास, पार्टी कार्यालय, रिसोर्ट, पार्टी प्यालेस र सुविधा सम्पन्न होटलहरुमा बैठक बस्ने गरेकोछ नेताहरुको मोजमस्ती छ । सत्तामा भएको मजा बेग्लै छ । सत्तामा भएपछि सेवा सुविधाहरू थुप्रै लिन पाइन्छ, चाकरी पाइन्छ, रातदिन प्रहरी, सशस्त्र प्रहरी र सेनाहरुको सलाम खान पाइन्छ । मुलुकको ढुकुटीको साँचो आफ्नो हातमा हुन्छ । ढुकुटी रित्याउन पाइन्छ । अन्तर्राष्ट्रिय मुलुकहरू भ्रमण लगायतका सेवा सुविधाहरु उपलब्ध हुन्छ ।
मुलुकमा जुनसुकै दलको सरकार फेरबदल भएपनि शेरबहादुर देउवा, माधवकुमार नेपाल, झलनाथ खनाल, बाबुराम भट्टराई र पुष्पकमल दाहाल जोसुकै प्रधानमन्त्री बनेपनि मुलुकले यिनीहरू बाट निकास पाउने छैन नेताहरूको आजसम्मको क्रियाकलाप र नाटक मंचन देखि सकियो । नेताहरूको लागेको बानी हराउँछ छ र ? सरकार फेरबदल र परिवर्तन भएता पनि फेरि फेरि केही समय पश्चात नेताहरुको नाटक मंचनको प्रक्रिया शुरुआत हुनेछ भन्ने कुरामा म विश्वस्त छु । मुलुकले नेताहरूबाट सहजै निकास पाउने अवस्था देखिदैन ।
स्वतन्त्र नेपाली नागरिक:राकेश कुमार शर्मा ।
प्रतिक्रिया