गजल

मेरो च्यातिएको डायरी भित्र लुकेको ब्यथा छ !
आफै खोलेर पढ्न न-सक्ने दुखेको ब्यथा छ!!

शून्य लाग्छ आफू संग आफै एकान्तमा हराउदा !
बिबसतामा अनगिन्ती सपना बोकेको ब्यथा छ!!

प्रस्न धेरै गरे फेरि उत्तर बिहिन बन्यो ज़िन्दगी !
सुख्खा बगरमा सम्भाबना खोजेको ब्यथा छ!!

एक्लै यात्रा गर्दा गर्दै ज़िन्दगिको बाटो भेटिएन!
थर-थराउदै पाइलाहरु बिचैमा रोकेको ब्यथा छ!!

यो कोलाहाल संसारमा एक्लै रमाउन खोज्दा !
निशासिदैछु आधी बेरिले खुशी छोपेको ब्यथा छ!!

जे न-हुनु थियो जीवनमा आखिर त्यही भयो !
चिता संगै सबै जल्दा शुन्यतामा रोएको ब्यथा छ!!

रचना :- शारदा क्षेत्री
हाल :- न्यूयोर्क