जिन्दगीको माया लाग्छ मर्न सक्दिन म
तिम्रो नाउँमा आत्मदाह गर्न सक्दिन म
फेरिएर जाला ऋतु हरियाली आउला
भोलि मेरो मुहारमा खुसियाली छाउला
तिम्रै यादमा आँखाबाट झर्न सक्दिन म
जिन्दगीको माया लाग्छ मर्न सक्दिन म
आँशुको ताल किन बनाउँ मैले सिरानीमा
जिन्दगानी किन बिताउँ जहिले बिरानीमा
अब फेरि तिम्रो शरण पर्न सक्दिन म
जिन्दगीको माया लाग्छ मर्न सक्दिन म।
-शिब पलाँस,अमेरिका
प्रतिक्रिया