मंगलबार, फागुन २५ २०७७
काठमाडौं १४:००
वासिङटन डिसी 03:15

भ्यालेन्टाइन डे र “म” हरू !

- रामप्रसाद खनाल - २०७७ फागुन २ गते १७:१० मा प्रकाशित

जन्म दिने आमा मर्दा
काज क्रिया गर्दैनन् उनीहरू !
सन्तानका लागि सर्वस्व त्याग्ने
बाउ मर्दा सम्झँदैनन् उनीहरू !
जिउँदा हुँदा हेला र झेला गर्छन् उनीहरू
दसैँ तिहारको टिका लाउन लाज मान्छन् उनीहरू
भजन कीर्तन, लोकगीत गाउन सरम मान्छन् उनीहरू
जान छोडे मन्दिर,गर्न छोडे पूजा आजा
चर्चको प्रार्थना मन पराउँछन् उनीहरू !
आयातित भ्यालेन्टाइन डे को देखासिकी गर्दै
गुलाफ बाँड्न अग्रसर छन् उनीहरू
घुँडा टेकाउँदै र टेक्दै रमाउँछन् उनीहरू
अनुशासन,मर्यादा,आफ्नो पनका कुरा गरे,
टाउको समाउँछन् उनीहरू !
हरायो लाज सरम भन्ने कुरा
देखाउन चाहन्छन् सबै सबै उनीहरू !
कली आएकै जस्तो लाग्न थाल्यो
देख्दा हेर्दा उनीहरू !
यस्तो देख्दा मन नपर्ने,
अब के गर्ने होला “म” हरू ??

– रामप्रसाद खनाल, फेब्रुअरी १४, २०२१

प्रतिक्रिया