शुक्रबार, जेठ १३ २०७९
काठमाडौं १९:०९
वासिङटन डिसी 09:24

आफ्नै पालो आउने हो कि भन्ने डर छ

राधा पौडेल २०७७ साउन २६ गते १५:४३ मा प्रकाशित

तीज आयो दिदि बैनी नाच्ने गाउने धोको छ ।
कोरोनाको आतंकले मनै रोको छ ।
सन्सार नै ढाकिसक्यो मान्छे मर्छन छिनमा
कस्तो गीत गाउने होला यस्तो दिनमा
कतै जान पाउनु छैन नाकाबन्दी भाको छ
बैज्ञानिकले हार खांदा डर लाको छ ।
माइती देशमा छोएको खबर गरे साथिले
उता पनि पिरेछ यहि पापिले
उपचार केहि छैन ईस्वर कै भर छ
आफ्नै पालो आउने हो कि ? भन्ने डर छ
साथीभाइ मरिसके कोरोनाले छोएर
घर आइज भन्नुहुन्छ आमा रोएर
कसो गरि आउनु आमा लाशै माथी टेकेर
छोरा छोरी रुंदै आउँछन् बाटाे छेकेर
जहाँ बसे नि हात धोई बसौं होश गरेर
भिड भाडमा नजानु अघि सरेर
नाक मुख छोप्ने गरौं बाहिर तिर जांदामा
ताजा सफा रोजौं है खाना खांदामा
दुरी कायम गरेर होश गरि बांच्ने हो
अर्को साल दिदि बैनी फेरि नाच्ने हो ।

प्रतिक्रिया