विजय थापा ,डिसीमा हुने तेश्रो नेप्लिज अमेरिकन कन्भेन्सन (न्याक) आउदो शुक्रबार जुन २९-जुलाई १ तारिख सम्म हुने भएकोले आज साँझ भकुण्डो खेल समय तालिका सार्बजनिक गरिएको छ ।

आज भकुण्डो खेलको समय र कुन टोलिको संग भिड्ने भन्ने बिषयमा आयोजक तथा खेलकुदका खेलाडी टोलि प्रमुखहरुले उक्त कुरा टुंगो लगाएर सार्बजनिक गरेका हुन् । गोल प्रथा द्वारा सबैको आगाडी खेल निकाली सार्बजनिक गरिएको हो ।

उक्त भेटघाट कार्यक्रममा निराकार उप्रेती ,नविना बस्नेत उप्रेती ,बिना खड्का लामा ,बिश्व सुबेदी ,पूर्व राष्ट्रिय कप्तान बिनोद खरेल , एनआरएन भर्जिनिया शाखाका अध्यक्ष गोविन्द सुबेदी ,बिज्ञान श्रेष्ठ ,केबिन थापा ,प्रयत्न तिमिल्सिना ,बिबेक तामांग लगायतको उपश्थिति रहेको थियो ।

सम्मेलनको पहिलो दिन जुन २९ तारिख शुक्रबार डिसी फुटबल क्लब बिरुद्ध डिएफडब्लु हिमालय बीच बिहान ९ बजे खेल हुनेछ भने लगतै टेक्ससको ग्रोखाज भकुण्डो टोलि बिरुद्ध र एलए ११ बिच हुने छ ।

कुल १२ वटा टोलीहरुमा डिसीएफसी ,गोर्खाज ,ब्याक (बिएसी) इस्ट बे ,डिएफडब्लु हिमालय ,एनवाईएनए सी ,एवेरेस्ट ,एलए११ ,स्पोट युनाईटेड ,ग्याल सुम्ड़ो ,न्युयोर्क ,एसएफ एकता तथा एनएनएससी रहेका छन् ।