आइतबार, जेठ ३० २०७८
काठमाडौं २२:०८
वासिङटन डिसी 12:23

दिवङ्गत पत्रकार बोहराकी पत्नीलाई रु दश लाख सहयोग

इनेप्लिज २०७३ माघ ४ गते १०:२२ मा प्रकाशित

धनगढी, ४ माघ । दिवङ्गत पत्रकार कर्ण बोहराकी पत्नी ममतालाई उपचारका लागि रु १० लाख ३५ हजार आठ सय ७१ हस्तान्तरण गरिएको छ । दुवै मृगौला खराब भएर पनि अर्थाभावका कारण समयमै उपचार पाउन नसकेकी ममताको उपचारमा सहयोग पु¥याउने उद्देश्यले यहाँका पत्रकार र नागरिक समाजका अगुवाको पहलमा ‘ममता बचाउ अभियान’थालिएको थियो । अभियानका सदस्य तथा सामुदायिक रेडियो प्रशारक सङ्घ (अको¥याब)का ७ नं प्रदेश अध्यक्ष दीर्घराज उपाध्यायले सङ्कलित रु १० लाख ३५ हजार आठ सयको चेक हिजो दिवङ्गत पत्रकारकी पत्नी ममतालाई भक्तपुरस्थित डेरामा पुगेर हस्तान्तरण गर्नुभएको हो ।

ममता बचाउ अभियान सञ्चालनपछि यस क्षेत्रमा पत्रकार, शिक्षक, विद्यालय सञ्चालक, पेसाकर्मी, व्यवसायी र सर्वसाधारणले स्वतःस्फूर्त रुपमा सहयोग गरेका थिए ।

दुवै मृगौला खराब भएकी पत्नी ममताको उपचारका क्रममा काठमाडौँमा रहेकै बेला करिब दुई महिनाअघि पत्रकार कर्ण बोहराको मृत्यु भएको थियो ।

बोहराको मृत्युपछि बिचल्लीमा परेकी बोहरा पत्नी ममताको उपचारका लागि ममता बचाउ अभियान सुरु गरिएको हो ।

प्रतिक्रिया