रत्ननगर, २७ बैसाख ।
पूर्वी चितवनको कालिका नगरपालिका ७ खोलेसिमल स्थित सिद्धि विनायक आवासीय मा.वि. र नेपाल रेडक्रस सोसाइटी उपशाखा जुटपानीको संयुक्त आयोजनामा विश्व रेडक्रस दिवशको अवसरमा जनचेतनामुलक ¥याली गरिएको छ । विद्यालयका विद्यार्थी, जुनियर रेडक्रस सर्कल, स्काउट ट्रुप र रेडक्रस उपशाखाका सदस्यहरुको सहभागिता रहेको ¥यालीले खोलेसिमल बजार, प्राथमिक स्वास्थ्य केन्द्र, संयुक्त वडा कार्यालय जुटपानी, जमुनापुर हुँदै खोलेसिमलमा ¥याली समापन गरिएको थियो । ¥यालीमा सहभागी विद्यार्थीहरुले “रेडक्रस सबैको लागि सधैको लागि”, “रक्तदान जीवनदान”, “मानव सेवा नै ठूलो धर्म हो” लगायतका प्लेकार्ड सहित जनचेतनामुलक नारा समेत लगाएका थिए ।
कार्यक्रममा सिद्धि विनायक आवासीय मा.वि. का प्राचार्य विष्णुमणी लामिछाने, डाइरेक्टर लीला बहादुर गुरुङ्ग, सहायक प्राचार्य नवराज बञ्जारा, शिक्षक पुरुषोत्तम दुवाडी, नेपाल रेडक्रस सोसाइटी जुटपानी उपशाखा सभापति गणेश शर्मा पौडेल, सचिव बालकृष्ण अधिकारी लगायतले मन्तव्य व्यक्त गरेका थिए ।
प्रतिक्रिया