मोरङको रङ्गेली नगरपालिका–९ का ३५ वषर््ीिय छेदनलाल मण्डलले यो वर्ष पनि चिसाङ खोलाको बगरको दुई बिघा जमिनमा तरकारी लगाएर राम्रो आम्दानी गर्दै आउनुभएको छ ।

खोलाको बगरमा तरकारी फलाउने र आम्दानी लिने सोच राखेर तरकारीखेती गर्दै आउनुभएका मण्डलले दुई लाखको लगानीमा गत वर्षको मङ्सिरदेखि वैशाखसम्ममा रु छ लाख कमाउनुभयो । यो वर्ष पनि रु पाँच लाख कमाइसक्नुभएको छ । उहाँले यो वर्ष काँक्रा, तीतेकरेला, फर्सी, लौका, तरबुजा, रोप्नुभएको छ । उहाँले भन्नुभयो – “जान्यो भने बगरमै पैसा फल्नेरहेछ ।”

विगत वर्षमा बगरमा तरकारीखेती गरेर राम्रो आम्दानी लिन
सफल रङ्गेली–९ कै २८ वषर््ीिय बुनीलाल मण्डलले यो वर्ष एक लाखको लगानीमा एक बिघा, ३० वषर््ीिय धीरज मण्डलले दुई लाखको लगानीमा दुई बिघा र २८ वर्षीय रामखिलान मण्डलले एक लाखको लगानीमा एक बिघा चिसाङ खोला बगरमा तरकारीखेती लगाउनुभएको छ ।

उहाँहरुले पनि गत वर्ष रु तीनदेखि रु छ लाख आम्दानी गर्नुभयो । यस वर्ष रु चार लाख आम्दानी गरिसक्नुभएको छ । उहाँहरुले तरबुजा, काँक्रा, तीतेकरेला, फर्सी, लौका फलाएर आम्दानी गर्नुभएको हो ।

त्यस्तै महादेवा गाविसमा २०० जना किसानले १४÷१४ जनाको समूह बनाएर बगरमा व्यावसायिक तरकारीखेती गरिरहेको किसान रमेश ताजपुरियाले बताउनुभयो । उहाँलगायत २०० जनाले बक्राखोलाको १५ बिघा बगरमा वार्षिक १० लाखको लगानीमा तरकारी लगाएर करिब २० लाख रुपैयाँ आम्दानी लिँदै आउनुभएको छ ।

त्यस्तै, पथरीका किसान प्रकाश पोखरेल, सुलभ कार्की, कृष्ण ढुङ्गानालगायत
झन्डै २०० जनाका कृषकले जनही ७० हजार लगानी गरी पथरी खोला बगरमा सिमसाग लगाएर जनही वार्षिक तीन लाख रुपैयाँ आम्दानी गरिरहनुभएको छ ।

मोरङका किसानले यसपटक पनि पथरी खोलाको १० बिघा बगरमा, रङ्गेली नगरपालिका र महादेवा गाविसका किसानले डाँस खोलको नौ बिघा बगरमा, बक्राहा खोलाको १५ बिघा बगरमा, र सीता खोलाको पाँच बिघा बगरमा तरकारीखेती गरिरहेका छन् ।

बालुवामा तरकारी फलाउने सोच राखेर खोलाको आसपासमा बस्दै आएका युवा सिमसाग खेतीमा लागेको मोरङको जिरी खिम्ती–१ का स्थानीय किसान बाबुराम ढुङ्गाना बताउनुहुन्छ ।