यहाँको टावर अवरुद्ध हुँदा छिमेकी गाविस दह, कोताङ, गर्खाकोट, सुवानाउली र दशेरा गाविसका बासिन्दासमेत मर्कामा परेका छन् । एक सातादेखि बन्द भएको टेलिफोन सेवा सुचारु गर्नेतर्फ सरोकारवाला उदासिन भएको स्थानीयवासीले बताएका छन् ।

फोन बन्द भएपछि स्थानीय आफन्तसँग सन्चोबिसन्चोदेखि नियमित हुने कुरा गर्न नपाएको गुनासो गरेका छन् । यता नेपाल टेलिकमले सुर्खेतबाट छिट्टै प्राविधिज्ञले आएर समस्या हल गर्ने जानकारी दिएको छ ।