बिहीबार, माघ १५ २०७७
काठमाडौं ०५:०९
वासिङटन डिसी 18:24

पन्ध्र गाविसमा हात्तीपाइले उच्च जोखिममा

इनेप्लिज २०७२ फागुन २४ गते ११:५५ मा प्रकाशित

ilam-mapइलाम, २४ फागुन । इलामका १५ गाविस हात्तीपाइले रोगेको उच्च जोखिममा रहेका छन् ।

दानाबारी, चुलाचुली, बाँझो, साकफारा, जिर्मले, इरौंटार, महमाई, माइपोखरी, जमुना, फूएतप्पा, शान्तिपुरलगायतका गाविस यो रोगको उच्च जोखिममा रहेको जिल्ला जनस्वास्थ्य कार्यालयले जनाएको छ ।

भारत, झापा तथा मोरङसँग सीमा जोडिएका गाविस भएकाले बाहिरबाट रोग सर्ने सम्भावना भएकाले उच्च जोखिममा रहेको कार्यालयका भेक्टर कन्ट्रोलर विमल बरालले जानकारी दिनुभयो । यो रोगबाट जिल्लामा ३० जना प्रभावित भएका छन् ।

जोखिममा रहेका दुई लाख ६५ हजार जनसङ्ख्यालाई यो वर्ष हात्तीपाइले रोगविरूद्ध औषधि खुवाउने कार्यक्रम तय भएको बरालले बताउनुभयो ।

कार्यालयले फागुन २९ गतेदेखि चैत १ गतेसम्म जिल्लाका एक हजार ९२५ केन्द्रबाट हात्तीपाइले रोगविरूद्धको औषधि खुवाउन लागिएको छ ।

सन् २०१८ बाट नेपालबाटै हात्तीपाइले रोग उन्मूलन गर्ने लक्ष्यका साथ विगत चार वर्षदेखि निरन्तर यो अभियान सञ्चालन भइरहेको छ ।

प्रतिक्रिया