इनेप्लिज
२०७२ फागुन २३ गते १४:२८ मा प्रकाशित
बागलुङ बजार, २३ फागुन । पर्वतको मालढुङ्गामा मोटरसाइकल र बस एकआपसमा ठोक्किँदा एक जनाको ज्यान गएको छ भने एक जना गम्भीर घाइते भएका छन् ।
पर्वतको कुस्मा बजारबाट बागलुङबजार आउँदै गरेको ग१प ३९९७ नंको मोटरसाइकल र विपरीत दिशाबाट जाँदै गरेको ग१ख ४०९० नंको बस मालढुङ्गामा आज बिहान १० बजे एक आपसमा ठोक्किँदा बागलुङ नगरपालिका–४ का मोटरसाइकल चालक चन्द्रप्रकाश शर्माको मृत्यु भएको हो ।
सोही मोटरसाइकलमा सवार पैँयुथन्थापकी दुर्गा मल्ल गम्भीर घाइते भएकी छन् घाइतेको थप उपचारका लागि पश्चिमाञ्चल क्षेत्रीय अस्पताल पोखरा लगिएको प्रहरीले जनाएको छ ।
प्रतिक्रिया