इनेप्लिज
२०७२ फागुन ८ गते १६:०७ मा प्रकाशित
इलाम, ८ फागुन । नेकपा (एमाले) का वरिष्ठ नेता झलनाथ खनालले मधेसको समस्या संविधानभित्रबाटै खोजिनुपर्ने बताउनुभएको छ ।
बरबोटे गाविसमा आज आयोजित समसामयिक विकास निर्माणका गतिविधिबारे छलफल तथा अन्तक्र्रिया कार्यक्रममा नेता खनालले मधेस आन्दोलन संविधानभित्रबाटै समस्या खोज्नुपर्छ, संविधानबाहिरबाट समाधान हुनै सक्दैन भन्नुभयो । मधेसी मोर्चालाई वार्ता र छलफलका माध्यमबाट समाधान खोज्न समेत उहाँले आग्रह गर्नुभयो ।
उहाँले धार्मिक तथा पर्यटकीयस्थल माइपोखरीसम्म पुग्ने सडक कालोपत्रे र स्तरोन्नति तथाबरबोटेमा निर्माण गर्न लागिएको कबर्ड हल तथा अमर उमाविमा सञ्चालित कम्प्युटर विज्ञानका लागि थप पहल गरिने बताउनुभयो ।
तीन दिनदेखि आफ्नो गृह जिल्लामा रहँदै आउनुभएका नेता खनालले विकास निर्माणका गतिविधिको स्थलगत अनुगमन गर्नाका साथै सम्बन्धित निकायलाई निर्देशन समेत दिनुभयो ।
प्रतिक्रिया