भूकम्पपीडितलाई चौँरी गाई वितरण

इनेप्लिज २०७२ माघ ७ गते ७:४३ मा प्रकाशित

धुन्चे (रसुवा), ७ माघ । लाङटाङका भूकम्पपीडित किसानलाई झोमो जातको चौँरी गाई वितरण गरिएको छ ।

लाङटाङ पुनःनिर्माण व्यवस्थापन समितिका सचिव सोन नुर्वु लामाका अनुसार ४५ वटा चौँरी खरिद गरी २० जना किसानलाई वितरण गरिएको हो ।

चौँरीको दूध यथेष्ट मात्रामा उत्पादन गराई नेपालको जेठो चिज कारखाना क्याङ्जेन पुनः सञ्चालनमा ल्याउने र दूध बिक्रीबाट प्राप्त आयले गरिब किसानको जीविकोपार्जनमा सरलता ल्याउने उद्देश्यले हेलम्बु क्षेत्रबाट रु २० लाख २५ हजार बराबरको चौँरी खरिद गरिएको बताइएको छ ।

भूकम्पबाट विस्थापित ११६ घर परिवारलाई आफ्नो थातथलोमा फर्काई आधारभूत आवश्यकता र पुनःनिर्माणको प्रयास भइरहेकोसचिव बताउनुभयो ।

प्रतिक्रिया