राजपुरकै गोरखबहादुर खत्रीको टिनको टहरामा परिवारसहित बस्दै आएका सुनारको डेरामा गएराति आगलागी भएको थियो । आगोले जलेर गम्भीर घाइते भएका सुनारको सुजङ अस्पताल डोटीमा उपचारका क्रममा ज्यान गएको घटनास्थलमा खटिइएका प्रहरी सहायक निरीक्षक हेमन्तबहादुर पालले बताउनुभयो ।

मृतक सुनुवार मादक पदार्थ सेवन गरी सुतेको र उज्यालोका लागि बालेको मैनबत्ती ढलेर ओछ्यानबाट आगो सल्केको हुनसक्ने प्रहरीको अनुमान छ । स्थानीयबासी र प्रहरीको सहयोगमा करिब एक घण्टापछि आगो नियन्त्रणमा आएको बताइएको छ ।

मृतकको श्रीमती र चार छोरी छिमेकीको विवाहमा गएकाले सकुसल रहेको प्रहरीले जनाएको छ ।