शुक्रबार झापाको विर्तामोडमा भएको पुरस्कार छनोट समितिको बैठकले भण्डारीलाई सो पुरस्कार प्रदान गर्ने निर्णय गरेको हो । पुरस्कारको राशि रु ११ हजार १११ रहेको छ ।

त्यसैगरी कोषले दीर्घसाहित्य सेवी सम्मान धुलाबारीका साहित्यकार तेजराज खतिवडा (तेराख)लाई प्रदान गर्ने भएको छ भने उत्कृष्ट कृति पुरस्कार ‘किन रोयौँ उपमा ?’ नामक कथा सङ्ग्रहका लेखक सिलगढीका लोकनाथ उपाध्याय (चापागाईं)लाई प्रदान गरिने भएको छ ।

दुवै पुरस्कारको राशि रु १५ हजार १११ रहेको पुरस्कार छनोट समितिका संयोजक लोकराज ढकालले बताउनुभयो ।

आगामी माघ १६ गते विर्तामोडमा एक कार्यक्रमको आयोजना गरी ती पुरस्कार प्रदान गरिने कोषले जनाएको छ ।