आइतबार, साउन १७ २०७८
काठमाडौं ०६:३३
वासिङटन डिसी 20:48

ताप्लेजुङमा आगलागी, लाखौँको क्षति

इनेप्लिज २०७२ कार्तिक ९ गते १०:१५ मा प्रकाशित

aaglaagiताप्लेजुङ, ९ कात्तिक । ताप्लेजुङको खेवाङस्थित साँगादिन बजारमा विद्युत् चुहावट भई दुई घरमा आगलागी हुँदा लाखौँ मूल्य बराबरको क्षति भएको छ ।

खेवाङ–४ निवासी भीम दहालको घरमा बिहान करिब ९ बजे आगलागी भएको हो । आगलागीबाट घरमा भएको पसलका सामान, गरगहना, नगद, र अन्य घरायसी सरसामान गरी करिब रु ३० लाख मूल्य बराबरको क्षति भएको प्रारम्भिक अनुमान गरिएको प्रहरीले बताएको छ ।

आगलागीबाट संँगै रहेका दुईवटा घर जलेर पूर्णरुपमा नष्ट भएका छन् । घरमा साना बालबच्चा मात्रै भएको समयमा विद्युत् चुहावट भई आगलागी भएको खेवाङ प्रहरी चौकीले जनाएको छ ।

स्थानीयवासीले करिब १ घण्टापछि मात्रै आगलागी नियन्त्रणमा लिएका थिए ।

आगलागीपछि दहालको परिवार अहिले नजिकै आफन्तकोमा शरण लिएर बसेका छन् । गाउँगाउँमा बिजुली बत्तीको सुविधा पुगे पनि कतिपय ठाउँमा व्यवस्थित जडान नहुँदा साथै जनचेतनाकै अभावले गर्दा यस प्रकारका घटना निम्तने गरेको स्थानीयबासीको भनाइ छ ।

प्रतिक्रिया